Marcos 9:32 - Manobo Western Bukidnon

³² Ne haazà is migkag̵i ni Jesus, wazà mesavut dutun te menge sumusundan din, ne egkehandek dan daan he ed-insà kandin ke hengkey is ibpesavut din dutun.

Marcos 9:32 Кръстосани препратки

Marcos 16:14

Ne zutun, mibpaahà daan si Jesus dutun te sepulù wey sevaha he menge sumusundan din te timpu he egkekaan sikandan. Midsawey zin sikandan tenged te kezesen te isip dan su wazè dan medtuu te menge etew he nemenudtul he nekeahà kandin he nevanhew.

Marcos 7:18

Ne ke si Jesus te, “Iring kew ves te menge zuma he etew su maan is wazè niw g̵eina mesavut he is egkekaan te etew, ne kenà egkehimu he igkeepesi kandin te Megbevayà

Marcos 8:33

Ne zutun midsineruwan ni Jesus haazà is menge sumusundan din ne migkeg̵iyan din si Pedro te, “Sikew is ed-iring ki Setanas, awè ka zini te kediey, su wazà diyà te isip nu is egkesuatan te Megbevayà, kekenà, iyan diyà te isip nu is egkesuatan te etew!”

Marcos 9:10

Ne midtuman dan haazà is lalag kandan ni Jesus, iyan, mibpein-inseey zan is tetelu ke hengkey is ibpesavut ni Jesus te kegkag̵i zin he ebenhawen sikandin.

Lucas 18:34

Iyan, haazà is menge sumusundan din, ne wazè dan mekesavut dutun te egkeg̵iyen din. In-eles kandan haazà is kehulug̵an dutun ne wazè dan metueni ke hengkey haazà is ibpesavut kandan ni Jesus.

Lucas 2:50

Iyan, wazè dan mesavut ke hengkey is kehulug̵an dutun te migkag̵i zin.

Lucas 24:45

Ne zutun impesavut din human kandan is langun te impemesurat he Lalag te Megbevayà.

Lucas 9:45

Ne is menge sumusundan din, wazè dan dutun mesavut is ibpesavut ni Jesus. Wazà ipesavut te Megbevayà kandan su wey kenè dan metueni. Ne wazè dan mekeaku he ed-insà kandin ke hengkey is kehulug̵an dutun.

Juan 12:16

Ne haazà is kedseled ni Jesus diyà te Hiruselim, wazè pa mesavut te menge sumusundan din he kegketuman haazà te netagnà dengan, asal, hein midlikù en si Jesus diyà te langit, netenuzan dan is mibeelan din ne nesavut dan he neulaula heini sumalà is netagnà dengan diyà te insurat he Lalag te Megbevayà.

Juan 16:19

Ne netuenan ni Jesus he zuen egkesuatan dan he id-insà kandin umba migkag̵i sikandin te, “Iyan buwa id-insè niw ke hengkey is ibpesavut ku te migkag̵i ku g̵eina he nesipeg̵an en is timpu he kenà ad keniyu egkeahà, ne kenà daan utew egkeug̵et dutun ne egkeahà ad maan keniyu.

Juan 4:27

Ne zutun te kemulu pa ebpekidlalag si Jesus dutun te vahi, nekeuma is menge sumusundan din. Utew zan nengeinuinu su maan is ebpekidlalag si Jesus dutun te vahi; iyan, wazà minsan sevaha kandan he mid-insà diyà te ki Jesus ke hengkey is kinahanglan din dutun te vahi. Ne wazè dan daan insai ke maan is ebpekidlalag sikandin dutun te vahi.