Marcos 9:3 - Manobo Western Bukidnon

³ Is kumbalè din ne henduen te ebpenerètà he vulan su utew meputì. Wazà meputì he pinìpian dini te kelibutan he ebpekeiring dutun.

Marcos 9:3 Кръстосани препратки

Mateo 28:3

Is dagwey zin, ne ebpekesirang su utew merayag, ne utew zaan meputì is ugelingen din.

Marcos 9:4

Ne zutun netik-ew zan daan maahà si Elias wey si Moises he ebpekidlalag ki Jesus.

Lucas 9:29

Ne zutun te ked-ampù ni Jesus, netik-ew mahalin is dagwey zin ne mibpengenamag te keputì is ugelingen din ne ebpekesirang te mata.

Nengeulaula 10:30

Ne midtavak si Cornelio te, “Heepat en he andew g̵untaan, te iring kayi he uras dini a te valey te liwazè en ebpenaug is andew su ed-ampù a. Netekewtekew a te mibpaahà kedì is maama he ebpenganlag is bisti zin.

Impezayag 19:18

Amur-amur kew wey kew mekekaan te sapù te menge hadì, menge kepitan, wey menge sundaru! Kaan kew te menge lawa te kudà wey is menge egkukudà kayi! Kaan kew te lawa te langun he menge etew, uripen se kenà uripen, dekelà is pid-etawan din se minus is pid-etawan din!” ke sikandin.

Impezayag 7:14

Ne midtavak a te, “Iyan ka nesayud.” Ne ke sikandin te, “Heini is menge etew, ebpemekeuma sikandan he ebpuun dutun te zekelà he kemeresayan diyà te lumpad te kelibutan. Mibpemìpian dan is menge bisti zan diyà te lengesa te nati he kerehidu wey zan mehimu he meputì, he ke và dà egkeg̵iya, nepalis en is menge salè dan.

Impezayag 7:9

Ne neipus haazà ne neehè ku is utew medmezakel he menge etew he kenè en egkevilang tuus te utew mezakel. Diyè dan ebpuun te minsan hendei he g̵inhedian wey tribu wey kepuun wey minsan hengkey he kineg̵iyan. Diyè dan ebpemenhitindeg te etuvangan te pinuuwà te Megbevayà wey ziyà te etuvangan te nati he kerehidu. Midsun-uzan sikandan te meputì ne ebpemengulangkulang dan te zehunen he menge subpang.