Marcos 9:26 - Manobo Western Bukidnon

²⁶ Ne zutun, haazà is mezaat he mulin-ulin, impekulahì din haazà is batà ne midhimu zin he mevidvid ne mid-awè en diyà te kandin. Ne haazà is batà, ne henduen be te minatey su kenè en edwaleng, ne egkag̵i is menge etew zutun te, “Minatey en.”

Marcos 9:26 Кръстосани препратки

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Marcos 1:26

Ne zutundutun midhimu te mezaat he mulin-ulin he mevidbid haazà is etew ne impepengulahì din te mezag̵ing. Ne mid-awà haazà is mezaat he mulin-ulin puun dutun te etew.

Marcos 9:18

Kada kedresaya kandin te mezaat he mulin-ulin ne ebpekelagkut diyà te tanà ne eburvuraan is bèbè din ne ebpekekeg̵etket te menge ngipen din ne egkevidbid sikandin. Ne midhangyù ku is menge sumusundan nu he vewii zan, iyan, kenè dan egkehimu.”

Marcos 9:20

Ne zutun, mid-uwit dan diyà te ki Jesus haazà is batà. Ne sikan is mezaat he mulin-ulin, hein neehè din dutun si Jesus, midhimu zin he mevidbid haazà is batà ne nekelagkut diyà te tanà ne nelilidlilid ne miburàburà is bèbè din.

Marcos 9:25

Ne naahà ni Jesus he ed-iseg ebmezakel is menge etew zutun, su zuen mezakel he ebpemelelag̵uy pehendutun, ne migkeg̵iyan din haazà is mezaat he mulin-ulin te, “Sikew is mezaat he mulin-ulin he igkevengel wey igkeemew te menge etew, awè ka keniyan te edlelungen nu he vatà. Ne kenè ke en medlikù diyà te kandin!”

Marcos 9:27

Iyan, migewezan sikandin ni Jesus diyà te velad ne impeenew zin ne zutun midhitindeg haazà is batà.

Impezayag 12:12

Sikiyu is menge meg̵inged diyà te langit, medlipey kew. Iyan, sikiyu is diyan te tanà wey ziyan te zag̵at, kehizu niw! Su kes mezaat he mulin-ulin he si Setanas, mibpenaug en diyan te keniyu. Ne utew sikandin nererengiti su netuenan din he mevavè dà utew is nesamè din he timpu te kedlalunglalung.”