Marcos 9:25 - Manobo Western Bukidnon

²⁵ Ne naahà ni Jesus he ed-iseg ebmezakel is menge etew zutun, su zuen mezakel he ebpemelelag̵uy pehendutun, ne migkeg̵iyan din haazà is mezaat he mulin-ulin te, “Sikew is mezaat he mulin-ulin he igkevengel wey igkeemew te menge etew, awè ka keniyan te edlelungen nu he vatà. Ne kenè ke en medlikù diyà te kandin!”

Marcos 9:25 Кръстосани препратки

Mateo 12:22

Ne zutun duen nemekeuma he menge etew he zuen miduma zan he maama he nelakap wey neemew tenged te midsuukan sikandin te mezaat he mulin-ulin. Ne mibewian haazà ni Jesus ne segugunà nekekag̵i wey nekeahà.

Mateo 17:18

Ne midawey ni Jesus is mezaat he mulin-ulin he edlalung dutun te vatà ne impeg̵uwè din ne zutundutun neulian haazà is batà.

Marcos 9:15

Ne hein naahà te menge etew he ebpelingguma si Jesus, utew zan nengeinuinu su wazè dan peebuta haazà is kebpekeuma ni Jesus, ne zutun migaanggaan dan medsinug̵ung diyà te kandin.

Marcos 9:24

Ne zutun, midhabet megkag̵i haazà is amey zutun te vatà te, “Edtuu a, iyan, deisek pa; heg̵eta nu pa is kedtuu ku!”

Marcos 9:26

Ne zutun, haazà is mezaat he mulin-ulin, impekulahì din haazà is batà ne midhimu zin he mevidvid ne mid-awè en diyà te kandin. Ne haazà is batà, ne henduen be te minatey su kenè en edwaleng, ne egkag̵i is menge etew zutun te, “Minatey en.”

Lucas 11:14

Ne zuen timpu he mibewian ni Jesus is maama he midhimu he emew te mezaat he mulin-ulin he edlalung kandin. Ne hein impaawà ni Jesus haazà is mezaat he mulin-ulin ne segugunà nekekag̵i haazà is maama. Ne utew nengeinuinu is langun he menge etew he nengetig̵um dutun.

Lucas 4:35

Ne zutun midawey ni Jesus haazà is mezaat he mulin-ulin ne ke sikandin te, “Med-engked ka ne awè ka ziyan te kandin!” Ne zutun mibpengelinteuwan duen te mezaat he mulin-ulin he mekebadas diyà te tanà dutun te etuvangan te langun he menge etew haazà is edlelungen din. Ne mid-awà sikandin ne wazè din mekeizi haazà is etew he midlalung din.

Lucas 4:41

Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.

Lucas 9:42

Ne hein uvey en haazà is batà diyà te ki Jesus, ne neumahan en maan dutun te edlalung kandin ne nepiley sikandin ne migkerker te utew mezesen. Ne migkeg̵iyan ni Jesus haazà is mezaat he mulin-ulin he ewai zin haazà is edlelungen din. Ne zutundutun neulian haazà is batà. Ne migkag̵i si Jesus dutun te amey te vatà te, “Kuwaa nu en heini is anak nu.”

Nengeulaula 16:18

Ne kada andew zutun iyan en haazà ed-ul-ulahan din. Ne te malù neug̵et, si Pablo, kenè en ebpekeantus ne midlilingey ne migkeg̵iyan din haazà is mezaat he mulin-ulin te, “Pinaag̵i te g̵ehem te ngazan ni Jesu Kristu, egkeg̵iyan ku sikew he med-awè ka keniyan te vahi!” Ne zutundutun mid-ewaan haazà is bahi te mezaat he mulin-ulin.

Hudas 1:9

Ne minsan si Miguel, sikan is lavew he velinsug̵uen te Megbevayà, kenà sikandin ed-ulaula te iring dutun su hein minatey zengan si Moises, mibpelewanà si Miguel wey si Setanas ke hentei is ebpekeangken te lawa ni Moises. Ne wazà mekeg̵ehem si Miguel he edsulà ki Setanas. Iyan dà lalag din kandin is: “Iyan edsawey kenikew is Megbevayà.”