Marcos 9:18 - Manobo Western Bukidnon

¹⁸ Kada kedresaya kandin te mezaat he mulin-ulin ne ebpekelagkut diyà te tanà ne eburvuraan is bèbè din ne ebpekekeg̵etket te menge ngipen din ne egkevidbid sikandin. Ne midhangyù ku is menge sumusundan nu he vewii zan, iyan, kenè dan egkehimu.”

Marcos 9:18 Кръстосани препратки

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Mateo 17:16

Impeehè ku ziyà te menge sumusundan nu, iyan, wazè dan meulii sikandin.”

Mateo 8:12

Iyan, mezakel zaan he kevuwazan ni Israyil he midteg̵enahan pezem te Megbevayà te ginhedian din, iyan, igketimbag sikandan diyà te merusirem he utew meziyù te ed-ubpaan te Megbevayà. Ne ebpemekekulahì dan is ebpemekengingitel he utew zan ebpemekedsendit.”

Marcos 11:23

Benar is egkeg̵iyen ku keniyu he minsan hentei he egkeg̵iyan din heeyan is buvungan te, ‘Awè ka keniyan ne umpak ka ziyà te zag̵at,’ ne kenà sikandin eduwazuwa, kekenà, neheg̵et diyà te g̵ehinawa zin he egketuman is migkag̵i zin, ne haazà is migkag̵i zin ne egketuman.

Marcos 9:17

Ne midtavak is sevaha zutun te menge mezakel he etew te, “Is anak ku he maama, ne kenà ebpekekag̵i su edlelungen te mezaat he mulin-ulin, ne mid-uwit ku zini su wey mevewii.

Marcos 9:19

Ne zutun migkag̵i si Jesus te, “Sikiyu is menge etew g̵untaan, wazè niw iyan kedtuu te Megbevayà. Utew ves egkeug̵et is kebpekiduma ku keniyu. Utew ves egkeug̵et is kebpekeantus ku keniyu ne human kew edtuu. Ihengkayi niw heeyan is batà.”

Marcos 9:20

Ne zutun, mid-uwit dan diyà te ki Jesus haazà is batà. Ne sikan is mezaat he mulin-ulin, hein neehè din dutun si Jesus, midhimu zin he mevidbid haazà is batà ne nekelagkut diyà te tanà ne nelilidlilid ne miburàburà is bèbè din.

Marcos 9:26

Ne zutun, haazà is mezaat he mulin-ulin, impekulahì din haazà is batà ne midhimu zin he mevidvid ne mid-awè en diyà te kandin. Ne haazà is batà, ne henduen be te minatey su kenè en edwaleng, ne egkag̵i is menge etew zutun te, “Minatey en.”

Nengeulaula 7:54

Ne hein nezineg te menge punuan he menge Hudiyu haazà is lalag ni Esteban, utew zan nengepauk. Ne migkeg̵etket is bag̵ang dan te kegkererengiti zan utew.

Hudas 1:13

Iring daan sikandan te utew zezekelà he vag̵el ziyà te zag̵at ke zuen bagyu su iring is menge mekeeled-eled he ulaula zan te meremerik he vuràburà he ebpenlepew ziyà te veyvey. Iring sikandan te menge vituen he nekesuwey te hustu he nesevukan dan su kenè en egkeserig̵an is ibpenurù dan. Midteg̵ana te Megbevayà is utew merusirem he egkeubpaan dan te wazà pidtemanan.