Marcos 9:17 - Manobo Western Bukidnon

¹⁷ Ne midtavak is sevaha zutun te menge mezakel he etew te, “Is anak ku he maama, ne kenà ebpekekag̵i su edlelungen te mezaat he mulin-ulin, ne mid-uwit ku zini su wey mevewii.

Marcos 9:17 Кръстосани препратки

Mateo 12:22

Ne zutun duen nemekeuma he menge etew he zuen miduma zan he maama he nelakap wey neemew tenged te midsuukan sikandin te mezaat he mulin-ulin. Ne mibewian haazà ni Jesus ne segugunà nekekag̵i wey nekeahà.

Mateo 17:15

Ke sikandin te, “Datù, kehizuwi nu is anak ku. Ebevuyen sikandin ne utew merasey is egkeulaula zin su layun egkeulug diyà te hapuy wey ziyà te wahig.

Mateo 9:32

Ne zutun te wazè pa megenat haazà is menge lakap, nekeuma is menge etew he edumahan dan diyà te ki Jesus is maama he neemew su midsuukan te mezaat he mulin-ulin.

Marcos 10:13

Ne zutun, duen menge etew he ebpen-uwit diyà te ki Jesus te menge zezeisey he vatà su ebpezepenetan dan te palad ni Jesus, iyan, midawey haazà te menge sumusundan din.

Marcos 5:23

Ne midhengyuan din si Jesus te, “Is anak ku he vahi he edrag̵arag̵e en, ne edluwàluwè en te g̵ehinawa. Edhengyuan ku sikew he hendiyè ka te valey ku wey nu penemsama wey meulii ne meuyag.”

Marcos 7:26

Ne midhangyù he vewii ni Jesus is anak din he edlelungen te mezaat he mulin-ulin. Ne haazà is bahi, ne kenà Hudiyu su tigPinisya ziyà te prubinsya he Sirya. Is kineg̵iyan din ne Gerisyahanen.

Marcos 9:16

Ne nenginginsà si Jesus dutun te menge sumusundan din te, “Hengkey is egkelewenaan niw?”

Marcos 9:18

Kada kedresaya kandin te mezaat he mulin-ulin ne ebpekelagkut diyà te tanà ne eburvuraan is bèbè din ne ebpekekeg̵etket te menge ngipen din ne egkevidbid sikandin. Ne midhangyù ku is menge sumusundan nu he vewii zan, iyan, kenè dan egkehimu.”

Marcos 9:25

Ne naahà ni Jesus he ed-iseg ebmezakel is menge etew zutun, su zuen mezakel he ebpemelelag̵uy pehendutun, ne migkeg̵iyan din haazà is mezaat he mulin-ulin te, “Sikew is mezaat he mulin-ulin he igkevengel wey igkeemew te menge etew, awè ka keniyan te edlelungen nu he vatà. Ne kenè ke en medlikù diyà te kandin!”

Lucas 11:14

Ne zuen timpu he mibewian ni Jesus is maama he midhimu he emew te mezaat he mulin-ulin he edlalung kandin. Ne hein impaawà ni Jesus haazà is mezaat he mulin-ulin ne segugunà nekekag̵i haazà is maama. Ne utew nengeinuinu is langun he menge etew he nengetig̵um dutun.

Lucas 9:38

Ne zuen maama zutun he nengumew ki Jesus, ke sikandin te, “He Zatù, ahaa nu pa kedì heini is anak ku he maama. Sebsevaha heini he anak ku!

Juan 4:47

Ne hein nezineg din is tudtul he nekeuma si Jesus diyà te Geliliya he ebpuun te Hudiya, midhendiyà te ki Jesus ne midhengyuan din he medhendiyà te Kepirnaum su wey zin mevewii haazà is anak din su ebpatey en.