Marcos 9:10 - Manobo Western Bukidnon

¹⁰ Ne midtuman dan haazà is lalag kandan ni Jesus, iyan, mibpein-inseey zan is tetelu ke hengkey is ibpesavut ni Jesus te kegkag̵i zin he ebenhawen sikandin.

Marcos 9:10 Кръстосани препратки

Mateo 16:22

Ne zutun insivey sikandin ni Pedro, ne ke si Pedro te, “He Nengazen, berakat he kenà tumana te Megbevayà heini is migkag̵i nu.”

Marcos 9:11

Ne mid-insaan dan si Jesus te, “Maan is egkeg̵iyen te menge menunudlù te kesug̵uan he edhuna edlepew si Elias, sikan is ebpeneuven dengan ne human sikan is edhadì he mibpilì te Megbevayà?”

Marcos 9:32

Ne haazà is migkag̵i ni Jesus, wazà mesavut dutun te menge sumusundan din, ne egkehandek dan daan he ed-insà kandin ke hengkey is ibpesavut din dutun.

Marcos 9:9

Ne zutun te kedtupang dan, mibeleuzan sikandan ni Jesus te, “Taman te kenè e pa ebenhawen is Kakey te Menusiyà, kenè niw penudtula sikan is neulaula he neehè niw g̵eina.”

Juan 12:16

Ne haazà is kedseled ni Jesus diyà te Hiruselim, wazè pa mesavut te menge sumusundan din he kegketuman haazà te netagnà dengan, asal, hein midlikù en si Jesus diyà te langit, netenuzan dan is mibeelan din ne nesavut dan he neulaula heini sumalà is netagnà dengan diyà te insurat he Lalag te Megbevayà.

Nengeulaula 17:18

Ne zuen dutun menge menunudlù te menge penurù dengan ni Ipikuranu wey ni Sinu. Mibpekidibati zan daan ki Pablo. Ne is duma zutun egkag̵i te, “Paglung heini he mepedelig̵en. Hengkey vuwa pezem is egkeg̵iyen din?” Ne is duma egkag̵i te, “Iyan buwa ibpesavut din is menge selakew pa he menge ziwata he edsimbahan diyà te meziyù he inged.” Umba egkekag̵i zan haazà su impesavut kandan ni Pablo is keag̵i ni Jesus wey is kegkevanhew zin.