Marcos 8:8 - Manobo Western Bukidnon

⁸ Ne pudu nengehantey haazà is menge etew he nemekekaan dutun. Ne is nesamà dutun te menge tinevì he supas wey pait, ne pitu he vinevey.

Marcos 8:8 Кръстосани препратки

Mateo 14:20

Ne is kada sevaha zutun te menge etew, nekekaan ne nahantey. Ne haazà is egkeenen, nesemaan pa te sepulù wey zezuwa he vinevey is nehimes te menge sumusundan din he menge tevì te supas.

Mateo 15:37

Ne nemekekaan is langun he menge etew zutun ne nengehantey. Ne pitu pa he vinevey is netig̵um te menge sumusundan ni Jesus he samà dutun te menge etew.

Mateo 16:10

Ne wazè bes daan diyà te isip niw kes pitu he vuuk he supas he impekaan ku zuen te heepat he libu he menge maama, wey sikan is menge vinevey he nehimes niw?

Marcos 8:9

Menge heepat he libu is kezakel zutun te menge etew he nengehantey zutun.

Lucas 1:53

Is menge etew he egkengeayuayu, iyan ebeg̵ayan din te meupiya, iyan, is menge sepian, ibpehipanew zin he wazè dan uwiten.

Juan 6:27

Kenè niw pen-ahaa is egkeenen he meg̵aan dà egkehanew, kekenà, hag̵ù kew wey niw mekuwa is egkeenen he ebpekeveg̵ey te untung he wazà pidtemanan. Siak is Kakey te Menusiyà, iyan heini egkeenen he igkeveg̵ey ku keniyu su impeehè en te Amey ku he Megbevayà he ingkesuat din is menge vaal ku.”