Marcos 8:6 - Manobo Western Bukidnon

⁶ Ne migkeg̵iyan ni Jesus haazà is menge etew he mebpememinuu zan diyà te tanà, ne migkuwa zin haazà is pitu he vuuk he supas ne mibpeselematan din te Megbevayà, ne zutun mibpenevìtevì din. Ne minsan pa zutun kenà egkeamin haazà is edtevien din. Ne indata zin dutun te menge sumusundan din wey zan ikepemeg̵ey zutun te menge etew.

Marcos 8:6 Кръстосани препратки

Mateo 26:26

Ne zutun te kemulu zan pa egkaan, mid-amì si Jesus te supas, ne mibpeselematan din te Megbevayà ne mibpenevìtevì din ne impemeg̵ey zin diyà te menge sumusundan din. Ke sikandin te, “Iyan heini lawa ku; dewata niw wey keena niw.”

Marcos 8:20

Ne mid-uman med-insà si Jesus te, “Ne hein mibpenevìtevì ku sikan is pitu he vuuk he supas he impekaan duen te heepat he libu he menge etew, pira he vinevey zutun is nengepenù niw te nengesamà he tinevì?” Ne midtavak dan te, “Pitu he vinevey.”

Marcos 8:5

Ne ke si Jesus te, “Pira he vuuk is supas niw?” Ne ke sikandan te, “Pitu he vuuk.”

Marcos 8:7

Ne zuen daan dutun pira he leg̵as he zeisek he pait ne hein nepeselematan din en insug̵ù din he ipemeg̵ey zaan haazà dutun te menge etew.

Lucas 12:37

Utew meupiya is kegeg̵ehinawa zutun te menge sulug̵uen emun ebpekeuma haazà is egalen dan ne zaan dan neendami haazà is kebpekeuma zin. Benar is egkeg̵iyen ku he haazà is egalen dan, ibpepinuu zin sikandan diyà te lemisahan ne iyan sikandin ebpekaan kandan.

Lucas 24:30

Ne hein diyè dan en te valey ne mibpinuu zan is egkaan. Ne si Jesus, migkuwa zin is egkeenen dan he supas. Ne mibpeselematan din te Megbevayà ne mibpenevì din ne human din ipemeg̵ey kandan.

Juan 2:5

Ne is iney zin, migkeg̵iyan din is menge sulug̵uen te, “Tumana niw is minsan hengkey he sug̵ù din keniyu.”

Juan 6:23

Ne zutun te uvey te lugar he zutun nemekekaan sikan is menge etew te supas he mibpeselematan te Nengazen he si Jesus, duen nemekezunggù he menge avang he ziyà ebpemuun te inged he Tibiryu.

Ruma 14:6

Su is etew he egkeisip din he utew mahal is sevaha he andew, ne umba egkeisip din is iring dutun su wey mesuat is Megbevayà. Ne iring din ded daan is etew he egkaan te minsan hengkey, umba egkeenen din su egkeisip din he iyan haazà egkesuatan te Megbevayà ne egkepeselematan din haazà te Megbevayà. Ne is etew he menge lumbey zà is idsezè din, ne umba iyan dà haazà idsezè din su egkeisip din he iyan haazà egkesuatan te Megbevayà ne egkepeselematan din daan haazà te Megbevayà.

Kulusas 3:17

Ne minsan hengkey he egkeg̵iyen niw wey ed-ul-ulahan niw, kinahanglan he zait heini he ulaula te sulug̵uen te Nengazen tew he si Jesus. Ne kinahanglan daan he layun dekelà is kebpeselemati niw te Amey tew he Megbevayà pinaag̵i te kebpekidsevaha niw ki Jesus.