Marcos 8:32 - Manobo Western Bukidnon

³² Ne mibpurungan din seysaya is egkeulaula zin. Ne hein nezineg ni Pedro haazà, ne insivey zin si Jesus ne migkeg̵iyan din te kenà haazà egkehimu is egkeulaula ni Jesus.

Marcos 8:32 Кръстосани препратки

Mateo 16:22

Ne zutun insivey sikandin ni Pedro, ne ke si Pedro te, “He Nengazen, berakat he kenà tumana te Megbevayà heini is migkag̵i nu.”

Marcos 4:38

Ne si Jesus, nekelipezeng diyà te huziyan he zulung dutun te avang he mid-uulunà. Ne migunggel sikandin dutun te menge sumusundan din he ke sikandan te, “Egkelavu kiw en! Kenè nu ve ebeliyen ke egkeg̵erè kiw?”

Lucas 10:40

Ne si Marta, ne iyan dà sikandin diyà te avu su ebaal te egkekaan dan ne mezakel is igkesamuk din he ebeelan din. Ne zutun mid-uvey sikandin diyà te ki Jesus he ke sikandin te, “Meupiya ve te g̵ehinawa nu he iyan e zà egkeviyuviyu he ebaal te egkekaan tew? Sug̵ua nu si Maria he ug̵upi e zin.”

Juan 10:24

Ne midtig̵um diyà te kandin is menge punuan he menge Hudiyu, ne mid-insaan dan sikandin te, “Maan is kemulu nu pa id-eles kenami ke hentei ka? Keg̵iyi key. Iyan ke ve sikan is mibpilì te Megbevayà he ibpahadì?”

Juan 11:14

Ne zutun migkag̵i si Jesus kandan te, “Minatey en si Lazaro.

Juan 16:25

Migamit ku is menge sempità te kebpenurua ku keniyu, iyan, meg̵aan en egkeuma is andew he kenè en maan menge sempitè pa is egemiten ku su zutun, melemu niw en he egkesavut is egkeg̵iyen ku. Ne zutun utew niw egkekeleduwi is egkeg̵iyen ku keniyu mehitenged te Amey ku he Megbevayà.

Juan 16:29

Ne zutun migkag̵i haazà is menge sumusundan din te, “Ne utew en keladu is egkeg̵iyen nu su kenè en maan sempità.

Juan 18:20

Ne midtavak si Jesus te, “Wazà mekeeles is menge penurù ku ziyà te menge etew su ziyà a mebpenurù te menge simbahan wey ziyà daan te Valey te Megbevayà he egketig̵uman te tivuuk he kehudiyuwan. Wazè ku ieles is minsan hengkey he lalag ku.