Marcos 8:31 - Manobo Western Bukidnon

³¹ Ne zutun impesavut ni Jesus te menge sumusundan din is imbanglis kandin. Ke sikandin te, “Siak is Kakey te Menusiyà, mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Marcos 8:31 Кръстосани препратки

Mateo 12:40

Su nekeseled si Jonas diyà te g̵etek te zekelà he pait seled te tetelu he andew. Ne iring din ded daan, siak is Kakey te Menusiyà, ebpekeseled a ziyà te zizalem te tanà seled te tetelu he andew.

Mateo 21:42

Ne migkag̵i si Jesus te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey. Ulaula heini te Nengazen, ne igkeinuinu tew utew.’

Mateo 27:63

Ne ke sikandan diyà te kandin te, “Datù, netenuzan dey he migkag̵i zuen te teruen he etew hein uuyag pa, he emun ebpatey, egkevanhew zed seled te tetelu he andew.

Marcos 12:10

Ne ke si Jesus en maan te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey he vatu, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey.

Lucas 17:25

Iyan, siak is Kakey te Menusiyà, kinahanglan he egkehuna pa egkeuma is kedresaya kedì, wey is kenà kedewata te menge etew te menge penurù ku.

Lucas 24:26

Su kinahanglan he ebpekeag̵i pa te kemeresayan sikan is hadì he mibpilì te Megbevayà ne human ibeg̵ey kandin is kebayàbayà te minsan hengkey.”

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Juan 12:48

Is etew he kenà edawat kedì ne kenà edtuman te menge penurù ku, edhukuman sikandin te silut keuzemà dutun te ketepusan he andew, su iyan idsiluti kandin is menge penurù ku he wazè din dewata.

Juan 2:19

Ne midtavak si Jesus te, “Rundusa niw heini is baley te Megbevayà ne seled te tetelu he andew egkevangun ku en maan!”

Nengeulaula 7:35

Ne heini si Moises,” ke si Esteban diyà te menge punuan, “daan he wazè dan dewata te menge Hudiyu is penavang din, kekenà, migkeg̵iyan dan dà te, ‘Hentei is mibeg̵ey kenikew te keg̵ehem te kedatùdatù kenami?’” Ne ke si Esteban en maan te, “Ne pinaag̵i zutun te velinsug̵uen he mibpaahà kandin dutun te egkeregreg he sagbet, midsug̵ù si Moises te Megbevayà. Ne midhimu zin si Moises he pengulu he iyan edlibri te menge Hudiyu.

1 Kurintu 15:4

Impesavut ku zaan he inleveng sikandin ne seled te tetelu he andew zutun nevanhew sikandin. Impesavut daan heini zengan te insurat he Lalag te Megbevayà.