Marcos 8:26 - Manobo Western Bukidnon

²⁶ Ne migkeg̵iyan ni Jesus haazà is etew he medtandang en med-ulì ne kenè en mebpenuluytuluy pa maan minsan dutun te inged.

Marcos 8:26 Кръстосани препратки

Mateo 12:16

ne migkeg̵iyan din sikandan he kenè dan tudtula te zuma haazà is mid-ulaula zin.

Mateo 8:4

Ne migkeg̵iyan ni Jesus te, “Pemineg ka, Mama, kenè nu tudtula ziyà te minsan hentei, kekenà, pehendiyè ka g̵untaan te memumuhat he midhimu te Megbevayà wey zin maahà he neulian ka; ne tumana nu sikan is pemuhat he insug̵ù dengan ni Moises te it-iten, su wey metueni te langun he neulian ka iyan.”

Mateo 9:30

Ne neulian is menge mata zan. Ne zutundutun nepuwasan is ked-ehè dan. Ne zutun migkeg̵iyan sikandan ni Jesus he kenè dan penudtula.

Marcos 5:43

Ne mibeleuzan sikandan ni Jesus he kenè dan penudtula ke hengkey is neulaula. Ne migkeg̵iyan din daan sikandan he ipekaan dan haazà is anak dan.

Marcos 7:36

Ne zutun migkeg̵iyan ni Jesus is menge etew zutun he kenè dan penudtula haazà is neehè dan he mibeelan din, iyan, nasì wazà meeren is tudtul zan mehitenged dutun te neehè dan.

Marcos 8:23

Ne mid-ag̵ak ni Jesus haazà is lakap pehendiyà te g̵awas dutun te inged. Ne mid-ilevan ni Jesus is menge mata zutun te lakap ne midampè din, ne mid-insaan din ke zuen be egkeehè din.

Marcos 8:25

Ne zutun mid-umanan dempaa ni Jesus haazà is mata zutun te lakap. Ne zutun mibpurung mebpenlangulangu haazà is lakap ne egkemelmeleg̵an din en is menge etew te ed-ahà su mibmeupiye en is mata zin.