Marcos 8:25 - Manobo Western Bukidnon

²⁵ Ne zutun mid-umanan dempaa ni Jesus haazà is mata zutun te lakap. Ne zutun mibpurung mebpenlangulangu haazà is lakap ne egkemelmeleg̵an din en is menge etew te ed-ahà su mibmeupiye en is mata zin.

Marcos 8:25 Кръстосани препратки

Mateo 13:12

Su is etew he neketuu wey zuen kedsavut din, ed-umanan pa te Megbevayà te kedsavut su wey mehustu is kedsavut din. Iyan, sikan is kenà edtuu, id-awà te Megbevayà diyà te kandin sikan is deisey he nesavut din.

Marcos 8:24

Ne nenlangulangu haazà is lakap ne ke sikandin te, “Egkeehè ku is menge etew he henduen be te menge kayu he ebpenhiphipanew.”

Marcos 8:26

Ne migkeg̵iyan ni Jesus haazà is etew he medtandang en med-ulì ne kenè en mebpenuluytuluy pa maan minsan dutun te inged.

Nengeulaula 1:10

Ne te kemulu pa sikandan dutun edlingahà diyà te langit, mibpaahà kandan diyà te uvey zan is dezuwa he maama he ebpenganlag is ugelingen dan.

Nengeulaula 14:9

Ne mibpemineg din is menge lalag ni Pablo. Ne zutun netuenan ni Pablo he zuen kedtuu zutun te etew su wey meulii. Ne midtengtengan sikandin ni Pablo

Pilipus 1:6

Dutun he timpu mibpuunan te Megbevayà is meupiya he vaal zin he edhimuwen din diyan te keniyu. Ne netuenan ku he ebpeniguduwan din pa heini edhimuwa taman te egkepasad din keuzemà te andew te kedlikù ni Kristu.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.