Marcos 8:22 - Manobo Western Bukidnon

²² Ne nekeuma zan diyà te inged he Bitsayda ne zuen menge etew zutun he mid-uwit dan diyà te ki Jesus is sevaha he lakap. Ne midhengyuan dan si Jesus he zempaa zin haazà wey meulii.

Marcos 8:22 Кръстосани препратки

Mateo 11:21

Ne ke sikandin te, “Mekehizuhizu kew is menge tigKurasin! Mekehizuhizu kew zaan is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku heini ziyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan is ulu zan he tuus te ed-iniyug̵an dan en is memezaat he ulaula.

Mateo 14:36

Ne midhangyù dan ki Jesus he itug̵ut din he mekeg̵awed dan te minsan sidsid dà te kumbalè din ne nengeulian is langun he nekeg̵awed dutun.

Mateo 8:15

Ne midampà ni Jesus is belad dà dutun te meritan ne zutundutun neulian. Ne mid-enew haazà is meritan ne midsuba sikandin te ibpekaan din engki Jesus.

Mateo 8:3

Ne midampà sikandin ni Jesus te egkag̵i te, “Utew meupiya te g̵ehinawa ku. Meulii ka.” Ne zutundutun nehanewhanew zutun te etew haazà is it-it din.

Mateo 9:29

Ne zutun midampà ni Jesus is mata zan ne ke sikandin te, “Berakat he meulii kew tenged te kedtuu niw.”

Marcos 2:3

Ne zutun, duen nemekeuma he menge etew he ed-uwit te sevaha he etew he minatey is divaluy he lawa zin. Ebintingen haazà is etew te heepat he zuma zin.

Marcos 3:10

Mezakel is nengeulian din en he egkengezeruwan ne tenged kayi, is egkengezeruwan dutun, ebpenlietliet dan en is edteg̵el ed-uvey diyà te ki Jesus wey zan mekezampà kandin su wey zan meulii.

Marcos 6:45

Ne impemeuntud ni Jesus te avang is menge sumusundan din wey zan mekehuna mekelayun pehendiyà te zehipag dutun te ranew pehendiyà te inged he Bitsayda su ibpemeulì din pa haazà is mezakel he menge etew.

Lucas 10:13

Ne mid-uman megkag̵i si Jesus te, “Mekehizuhizu kew keuzemà is menge tigKurasin! Mekehizuhizu kew zaan keuzemà is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku haazà diyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan en is ulu zan he tuus te ed-iniyug̵an dan is memezaat he ulaula.

Lucas 9:10

Ne mid-ulì sikan is sepulù wey zezuwa he epustul ni Jesus ne midtudtul zan kandin is langun he mid-ulaula zan. Ne zutun miduma zin sikandan he iyan dan dà pehendiyà te inged he Bitsayda.

Juan 1:44

TigBitsayda si Felipe, ne is inged he Bitsayda, iyan daan ed-ubpaan ni Andres wey ni Pedro.

Juan 12:21

Ne midhendiyè dan te ki Felipe. (Ne si Felipe, tigBitsayda, diyà te prubinsya he Geliliya.) Ne ke sikandan te, “Egkesuat key he ebpekidlalag ki Jesus.”