Marcos 8:17 - Manobo Western Bukidnon

¹⁷ Ne netuenan ni Jesus ke hengkey is diyà te isip dan ne ke sikandin te, “Maan is egkesemukan kew te wazè kew mekeuwit te supas? Kenè kew pe bes ebpekesavut? Henduen te wazè niw isip.

Marcos 8:17 Кръстосани препратки

Mateo 12:15

Ne hein netuenan ni Jesus is ed-isipen dutun te menge Perisiyu, mid-awà sikandin dutun, ne zuen mezakel he menge etew he nemenduma kandin. Ne neulian din is langun dutun he nengezeruwan,

Mateo 15:17

Kenè niw ves egkeisip he is id-ahuk ta ziyà te vèbè ta, ne ebpehendiyà te g̵etek ta ne zutun egawas puun te lawa ta? Ne kenà iyan haazà igkeepes te Megbevayà.

Mateo 16:7

Ne wazè dan mesavut he kenà iyan is tapey te supas egkeg̵iyen din, ne mibpelelelag̵è dan te, “Iyan ingkeg̵iya zin kayi su wazè kiw mekeuwit te supas.”

Marcos 16:14

Ne zutun, mibpaahà daan si Jesus dutun te sepulù wey sevaha he menge sumusundan din te timpu he egkekaan sikandan. Midsawey zin sikandan tenged te kezesen te isip dan su wazè dan medtuu te menge etew he nemenudtul he nekeahà kandin he nevanhew.

Marcos 2:8

Ne zutun nesavut ni Jesus he iyan haazà diyà te isip dan ne ke sikandin diyà te kandan te, “Maan is egkeisip niw is iring keniyan?

Marcos 3:5

Ne te ebpenlangulangu si Jesus dutun te mezakel he menge etew, utew zin egkepeuki sikandan ne utew zaan mibmesakit is gehinawa zin su haazà is menge etew, wazè dan kehizu. Ne zutun migkeg̵iyan din haazà is etew he nezeetan is belad din te, “Ketenga nu, Mama, is belad nu.” Ne migketeng dutun te etew haazà is belad din ne segugunà neulii.

Marcos 6:52

Su minsan neehè dan haazà is egkein-inuwan he mibeelan ni Jesus dutun te supas wey pait, wazè dan pa mesavut ke hentei sikandin su mezesen is isip dan.

Marcos 8:16

Wazè dan mesavut he kenà iyan is tapey te supas egkeg̵iyen din ne mibpelelelag̵è dan te, “Iyan ingkeg̵iya zin kayi su wazè kiw mekeuwit te lutù tew he supas.”

Lucas 24:25

Ne zutun migkag̵i si Jesus diyà te kandan te, “Kurang kew pe bes te ked-isip. Maan is utew mereg̵en diyan te keniyu is kebpeketuu niw te langun he netagnà dengan te menge ebpemeneuven te Megbevayà?

Juan 16:30

Nesavut dey en he netuenan nu is langun su minsan is id-insà kenikew, kenè en kinahanglan he egkeg̵iyen pa su netuenan nu en he zaan, umba edtuuwan dey en he sikew, diyà ka ebpuun te Megbevayà.”

Juan 21:17

Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Impezayag 2:23

Ne is menge sumusundan din, edhimetayan ku. Is menge tumutuu ziyan te langun he menge inged, egketuenan dan he iyan a nesayud ke hengkey is diyà te isip wey g̵ehinawa te etew. Ibeg̵ey ku ziyà te kada sevaha is engayan he igkeveg̵ey kandin sumalà te menge ulaula zin.