Marcos 8:15 - Manobo Western Bukidnon

¹⁵ Ne zutun duen sempità he impezineg kandan ni Jesus. Ibpesavut din he likayi zan is menge mezaat he vetasan te menge etew. Ke sikandin te, “Andam kew wey niw melikayi is tapey te menge Peresiyu wey is tapey te menge sakup ni Hadì Hirudis.”

Marcos 8:15 Кръстосани препратки

Mateo 14:1

Ne zutun he timpu nezineg ni Hadì Hirudis is tudtul mehitenged te ulaula ni Jesus.

Mateo 14:3

Ne iyan hinungdan te kegkehimetayi ki Juan, su midsawey zin si Hirudis he migkag̵i te, “Nekesupak ka te kesug̵uan su mid-esawa nu si Hirudyas,” ke sikandin. Ipag ni Hirudis si Hirudyas, su esawa te hazi zin he si Felipe. Ne tenged dutun te kedsewaya kandin ni Juan impezakep ni Hirudis si Juan ne mibpirisu zin. Edhimetayan din pezem si Juan, iyan, egkehandek te menge Hudiyu su netuenan dan he ebpeneuven si Juan te Megbevayà.

Mateo 14:6

Ne neuma is andew he edsilibrahan ni Hirudis is ked-enaka kandin, ne midseyawan te anak he rag̵a ni Hirudyas is menge etew he nengetig̵um dutun. Ne utew nesuat si Hirudis tenged dutun.

Mateo 16:6

Hein nekerapas dan en, duen sempità he impezineg kandan ni Jesus. Ke sikandin te, “Andam kew wey niw melikayi is tapey te menge Perisiyu wey Sedusiyu.”

Marcos 12:13

Ne midsug̵ù dan is duma zutun te menge Perisiyu wey te menge sakup te upakat he midtukud ni Hirudis su wey zan mepulutikahi si Jesus he meveeli zan te sumbung.

Marcos 8:14

Sengevuuk dà he supas is dutun te kandan su nelipat is menge sumusundan din he ed-uwit te supas he egkelutù dan.

Marcos 8:16

Wazè dan mesavut he kenà iyan is tapey te supas egkeg̵iyen din ne mibpelelelag̵è dan te, “Iyan ingkeg̵iya zin kayi su wazè kiw mekeuwit te lutù tew he supas.”

Lucas 12:15

Ne migkag̵i si Jesus diyà te menge etew te, “Purungi niw ventayi is ulaula niw su wey wazà keleleg̵ed diyan te keniyu. Su is ibmeupiya te untung te etew, kenà ebpuun te mezakel he menge azen.”

1 Timoteo 5:21

Edteleenan ku sikew he purungi nu tumana heini is insug̵ù ku kenikew. Iyan ebpeketistig̵us kayi is Megbevayà, si Jesu Kristu, wey is menge pinilì din he velinsug̵uen. Kinahanglan he te minsan hengkey he ed-ul-ulahan nu wazè nu zepig̵i he minsan hentei. Ke edhusey ka kinahanglan he iyan nu pemineg̵a kes ebpekevenar.

1 Timoteo 6:13

Ebpeketistig̵us is Megbevayà wey si Jesu Kristu he ebpeketelteleenan ku sikew he purungi nu tumana he wazà sayep is insug̵ù ku kenikew taman te kenè pa edlikù is Nengazen tew he si Jesu Kristu. Is Megbevayà, iyan ebpengelintau he meuyag is langun he menge linimbag din; ne si Jesus, iyan nekepenistig̵us mehitenged te tutuu he tuluuwen diyà te etuvangan ni Punsyu Pilatu.

2 Timoteo 2:14

Keg̵iyi nu is menge tumutuu he kenè dan melipati heini is langun. Iyan nu itelaan kandan he ibpetistig̵us is Megbevayà he likayi zan is kebpekidlawan he winalì mehitenged te kehulug̵an te menge lalag su wazè din pulus ne ebpekezezaat te kedtuu te ebpekezineg duen.