Marcos 8:13 - Manobo Western Bukidnon

¹³ Ne zutun mid-ewaan eni Jesus haazà is menge etew. Mid-untud dan en maan te avang su edlayun dan dutun te ranew.

Marcos 8:13 Кръстосани препратки

Mateo 15:14

Bey-ani niw en is menge Perisiyu. Iring sikandan te menge lakap. Ne ke zuen lakap he ed-eg̵aken din is sengelelakap, haazà is ebpeeg̵akà, ne pudu egkeulug diyà te vitu.”

Mateo 7:6

Ne zutun insempità ni Jesus is menge etew he kenà egkesuat he ebpemineg te Lalag te Megbevayà. Ke sikandin te, “Kenè niw iveg̵ey te asu is butang he mahal ziyà te Megbevayà su kela ke keg̵ata kew zin. Ne kenè niw zaan isawed is menge mahal he ebelieg̵en diyà te etuvangan te menge vavuy su egketekutakan dan dà.

Marcos 8:12

Ne haazà, inmesakit te g̵ehinawa ni Jesus ne ke sikandin diyà te kandan te, “Sikiyu is menge zuma ku he menge Hudiyu, maan is egkinahanglan kew he mekeehè kew te egkein-inuwan he singyal ne human kew edtuu? Benar utew is egkeg̵iyen ku keniyu he wazà singyal he ibpaahà keniyu.”

Marcos 8:14

Sengevuuk dà he supas is dutun te kandan su nelipat is menge sumusundan din he ed-uwit te supas he egkelutù dan.

Lucas 8:37

Ne zutun, haazà is langun he menge etew he meg̵inged dutun te tanà te menge Geresinen, ne midhangyù dan ki Jesus he med-awà sikandin dutun te kandan su utew zan ingkehandek sikandin. Ne iyan dà haazà, ne mid-untud ensi Jesus te avang su egenat dan.

Juan 12:36

Siak is kerayag. Te kemulu e pa zini te keniyu, sarig kew kediey te kerayag su wey layun meteyawi is isip niw.” Ne zutun te nekag̵i ni Jesus haazà, mid-ewaan din haazà is mezakel he menge etew ne mid-eles sikandin.

Juan 8:21

Ne mid-uman megkag̵i si Jesus diyà te menge egalen te menge Hudiyu, ke sikandin te, “Ed-ewaan ku sikiyu ne ebpen-ahaan a keniyu, iyan, ebpematey kew zà duen he kenà egkepeseylu is menge salè niw. Ne ke hendei a ebpekepevayà kenè kew ebpeketelukun.”

Nengeulaula 18:6

Ne hein wazè dan dewata su edsumpalit sikandan kandin, inhuyab din is kumbalè din he tuus te mid-engkezan din en sikandan. Ke sikandin te, “Kenè en kediey he salà ke edsilutan kew te Megbevayà. Ne g̵untaan diyè ku en ibpesavut is Lalag te Megbevayà te kenà menge Hudiyu.”

Nengeulaula 27:2

Ne ziyà te Sisarya zuen barku he tig-Edremityu he edhendiyà te menge inged diyà te prubinsya he Asya. Ne mid-untud key ne migenat key. Is duma zey, ne iyan si Eristarku he tigTiselunika ziyà te prubinsya he Mesidunya.