Marcos 7:6 - Manobo Western Bukidnon

⁶ Ne midtavak si Jesus te, “Sikiyu is akal zà is kedtuu niw te Megbevayà, utew hustu is Lalag te Megbevayà he insurat te tipehuna he ebpeneuven he si Esaias. Netagnè kew zin su ke sikandin te, ‘Heini is menge etew,’ egkag̵i is Megbevayà, ‘egkag̵i zan he edtehuzen e zan, iyan, wazà kedtuu he neseled te g̵ehinawa zan.

Marcos 7:6 Кръстосани препратки

Juan 15:24

Duen mibeelan ku he neehè dan he menge egkein-inuwan he kenà egkeveelan te minsan hentei he menusiyà. Angin ke wazè dan maahà heini su kenà sikandan egkevesulan tenged te mezaat he mid-ulaula zan kedì. Iyan, neehè dan en ne minsan pa zutun, siak wey is Amey ku, egkuntedahan key zan.

Juan 5:42

su nesayud a keniyu; kenà mahal is Megbevayà diyà te g̵ehinawa niw.

Nengeulaula 28:25

Ne g̵eina te kenè dan egkeuyun, ebpemen-ulì dan en. Ne te kemulu zan pa zutun, impelaus ni Pablo is lalag din te, “Utew tutuu is migkag̵i zengan te Wag̵as he Mulin-ulin diyà te menge kepuun tew pinaag̵i te kebpeneuva zin ki Esaias.

2 Timoteo 3:5

Uvag sikandan ed-azap te Megbevayà, iyan, kenè dan edtuu he zuen gehem din. Likayi nu is menge etew he iring dutun.

Tito 1:16

Duen menge etew he egkeg̵iyen dan he emig̵u sikandan te Megbevayà, iyan, pinaag̵i te menge ulaula zan egketuusan ta he kuntada sikandan te Megbevayà. Utew zin sikandan egkeepesi su kenè dan ebpememineg te tutuu he tuluuwen. Ne tenged dutun kenè dan dait he ibpeulaula zin te minsan hengkey he meupiya.