Marcos 7:37 - Manobo Western Bukidnon

³⁷ Utew zan haazà ingkeinuinu ne ke sikandan te, “Utew meupiya is kebeeli zin kayi te langun su edhimuwen din minsan is kenà ebpekezineg he mekezineg ne sikan is kenà ebpekekag̵i ne ebpekekag̵i!”

Marcos 7:37 Кръстосани препратки

Mateo 9:32

Ne zutun te wazè pa megenat haazà is menge lakap, nekeuma is menge etew he edumahan dan diyà te ki Jesus is maama he neemew su midsuukan te mezaat he mulin-ulin.

Marcos 1:27

Ne utew nengeinuinu is langun he menge etew zutun, ne tenged dutun mibpelelelag̵è dan te, “Hengkey vuwa heini? Kela ke veg̵u en heini he tuluuwen su maan is utew sikandin mekeg̵eg̵ehem te kebayàbayà te minsan menge mezaat he mulin-ulin, ne ebpemineg kandin.”

Marcos 2:12

Ne zutun, haazà is etew, mid-enew sikandin ne migkuwa zin haazà is duyanè din ne midlawang puun dutun te valey ne naahà haazà te langun he menge etew zutun. Ne is menge etew, hein neehè dan haazà ne utew zan nengeinuinu ne midalig dan is Megbevayà. Ne ke sikandan te, “Wazè tew pa keenu maahà is iring kayi!”

Marcos 4:41

Ne zutun, utew nengeherati haazà is menge sumusundan din ne mibpein-inseey sikandan he egkag̵i is kada sevaha kandan te, “Hengkey heini vuwa he etew? Maan is minsan is keramag wey menge vag̵el ne ebpemineg kandin!”

Marcos 5:42

Ne mid-enew haazà is batà ne segugunà midhiphipanew. Menge sepulù en wey zezuwa is penuig̵en dutun te vatà. Utew nengeinuinu is iney wey amey zutun te vatà.

Marcos 6:51

Ne midruran sikandin dutun te avang dan ne mid-engked haazà is keramag. Ne utew zan si Jesus ingkeinuinu.

Marcos 7:36

Ne zutun migkeg̵iyan ni Jesus is menge etew zutun he kenè dan penudtula haazà is neehè dan he mibeelan din, iyan, nasì wazà meeren is tudtul zan mehitenged dutun te neehè dan.

Marcos 8:1

Ne nepipira pa he menge andew zutun nengeamur-amur en maan diyà te ki Jesus is utew mezakel he menge etew. Ne hein neeminan dan en te lutù, mid-umew ni Jesus is menge sumusundan din, ne ke sikandin te,

Lucas 23:41

iyan, sikita is dezuwa, ne engayan en he edhimetayan ki su id-ulì dini te kenita is kelelalung ta. Iyan, heini he etew mulà, ne wazè nehimu zin he mezaat.”

Nengeulaula 14:11

Ne hein naahà te mezakel he menge etew haazà is midhimu ni Pablo, mibpemengulahì dan te kineg̵iyan he Linikeunyan he egkag̵i te, “Mibpeetew en is menge ziwata ne mibulusan kiw zan!”