Marcos 7:35 - Manobo Western Bukidnon

³⁵ Ne zutundutun nepuwasan is kedineg dutun te etew ne naawà is kegkevisekeg te zilè din ne metandang en is kegkag̵i zin.

Marcos 7:35 Кръстосани препратки

Marcos 2:12

Ne zutun, haazà is etew, mid-enew sikandin ne migkuwa zin haazà is duyanè din ne midlawang puun dutun te valey ne naahà haazà te langun he menge etew zutun. Ne is menge etew, hein neehè dan haazà ne utew zan nengeinuinu ne midalig dan is Megbevayà. Ne ke sikandan te, “Wazè tew pa keenu maahà is iring kayi!”

Marcos 7:34

Ne midlingahà si Jesus diyà te langit ne migeg̵ehinawa te mezalem ne ke sikandin te, “Ipata!” he ke và dà egkeg̵iya, “Mepuwasi!”

Marcos 7:36

Ne zutun migkeg̵iyan ni Jesus is menge etew zutun he kenè dan penudtula haazà is neehè dan he mibeelan din, iyan, nasì wazà meeren is tudtul zan mehitenged dutun te neehè dan.