Marcos 7:34 - Manobo Western Bukidnon

³⁴ Ne midlingahà si Jesus diyà te langit ne migeg̵ehinawa te mezalem ne ke sikandin te, “Ipata!” he ke và dà egkeg̵iya, “Mepuwasi!”

Marcos 7:34 Кръстосани препратки

Marcos 1:41

Ne nehizuwan sikandin ni Jesus ne midampè din te egkag̵i te, “Utew meupiya te g̵ehinawa ku; meulii ka.”

Marcos 15:34

Ne hein liwazè en he ebpenaug is andew zutun, ingkulahì ni Jesus is utew mezag̵ing he lalag he edhenduen te, “Ili, Ili, lama sebektani,” he ke và dà egkeg̵iya, “He Megbevayè ku, maan is ed-iniyug̵an a kenikew?”

Marcos 5:41

Ne hein dutun dan en, migewezan ni Jesus is belad dutun te vatà ne ke sikandin te, “Telita kumi,” he ke và dà egkeg̵iya te, “Bayi, enew kad!”

Marcos 6:41

Ne migkuwa zutun ni Jesus haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Ne mibpenevìtevì din is lelima he supas, ne minsan pa zutun kenà egkeamin haazà is edtevien din. Ne imbeg̵ey zin diyà te menge sumusundan din haazà is nengetevì wey zan ikepemeg̵ey zutun te menge etew. Ne iring ded daan haazà is kebpenebtevia zin dutun te zezuwa he pait.

Marcos 7:35

Ne zutundutun nepuwasan is kedineg dutun te etew ne naawà is kegkevisekeg te zilè din ne metandang en is kegkag̵i zin.

Marcos 8:12

Ne haazà, inmesakit te g̵ehinawa ni Jesus ne ke sikandin diyà te kandan te, “Sikiyu is menge zuma ku he menge Hudiyu, maan is egkinahanglan kew he mekeehè kew te egkein-inuwan he singyal ne human kew edtuu? Benar utew is egkeg̵iyen ku keniyu he wazà singyal he ibpaahà keniyu.”

Lucas 18:42

Ne migkag̵i si Jesus te, “Mekeehè ke en; is kedsarig nu kediey, ne iyan igkeulii te menge mata nu.”

Lucas 19:41

Ne midlaus ensi Jesus pehendutun te inged he Hiruselim ne hein neehè din en haazà is inged ne midsineg̵awan din su utew sikandin nehizu te menge meg̵inged dutun.

Lucas 7:14

Ne mibeyaan din is edlentingen ne migewezan din. Ne nemeketeren haazà is edlanting dutun te minatey ne migkeg̵iyan ni Jesus haazà is edlentingen te, “Mama, enew ka!”

Juan 11:33

Ne hein naahà ni Jesus he edsineg̵ew si Maria wey is menge Hudiyu he zuma zin, utew mibmezaat is gehinawa zin su neseeng.

Juan 11:35

Ne zutun mibpenig̵is is menge luhà ni Jesus.

Juan 11:38

Ne zutun mid-iseg is kegkeseeng ni Jesus, ne mid-uvayan din haazà is midlevengan. Su haazà is penlevengà, surung diyà te pangpang. Duen inlekeb dutun he vatu te g̵emawan din.

Juan 11:41

Ne in-awè dan dutun haazà is batu he inlekeb te surung. Ne midlingahà si Jesus diyà te langit ne migkag̵i te, “Amey ku, ebpeselamat a kenikew su ebpemineg̵en nu is ebuyuen ku.

Juan 11:43

Ne te nekag̵i zin heini, midhabet megkag̵i te, “He Lazaro, gawas ka keniyan!”

Juan 17:1

Ne hein nekepasad si Jesus dutun he egkag̵i, midlingahà diyà te langit ne ke sikandin te, “Amà, iyan en heini sikan is netagnà he timpu. Ipeehè nu en is dekelà he bentug̵an ku te Anak nu wey ku zaan ikepaahà is kezekelà te kenikew he bentug̵an.

Nengeulaula 9:34

Ne migkeg̵iyan sikandin ni Pedro te, “He Iniyu, ebewian ka ni Jesu Kristu.” Enew ka ne tepiza nu is menge g̵elemiten nu te kedhizeg̵à. Ne zutundutun neulian si Iniyu ne mid-enew.

Nengeulaula 9:40

Ne impeg̵awas ni Pedro is langun te sikandan ne midluhud sikandin is ed-ampù diyà te Megbevayà. Ne zutun midsineruwan din haazà is lawa zutun te minatey ne ke sikandin te, “He Tebita, enew ka.” Ne migimerat si Tebita ne neehè din si Pedro, ne mid-enew ne mibpinuu.

Hibriyuhanen 4:15

Ne heini si Jesus is lavew he memumuhat tew, nesavut din is keg̵uyè tew tenged te kememenusiyai tew su neseg̵azan din he mibpenulayan sikandin dengan ni Setanas te minsan hengkey he paag̵i iring te ebpenulayan kiw zaan, iyan, wazà mulà sikandin mepenulayi.