Marcos 7:3 - Manobo Western Bukidnon

³ Su is menge Hudiyu, lavew en is menge Perisiyu, kenè dan egkaan ke kenè dan egkelùluan is menge velad dan su iyan haazà betasan he imbilinbilin te menge g̵in-epuan dan dengan.

Marcos 7:3 Кръстосани препратки

Marcos 7:13

Ne pinaag̵i kayi te nepengevilin niw he menge vetasan, ed-iniyug̵an niw is Lalag te Megbevayà ne kenà ebpulus diyan te keniyu. Ne mezakel pa is menge ulaula niw he iring kayi.”

Marcos 7:5

Ne tenged kayi haazà is menge Perisiyu wey menge menunudlù te kesug̵uan, mid-insaan dan si Jesus te, “Maan is midlipatan en te menge sumusundan nu is imbilinbilin he tuluuwen te g̵in-epuan tew su maan is tekew zan en egkaan ne kenè dan ebpenlùlù?”

Lucas 11:38

Ne naahà dutun te Perisiyu he migkaan si Jesus he wazè din lùlui is belad din. Ne utew sikandin neinuinu su nesupak ni Jesus is betasan te menge Perisiyu.

Juan 2:6

Sumalà te tuluuwen te menge Hudiyu, kinahanglan he zuen wahig he ibpenlùlù te kenè dan pa egkaan. Ne tenged kayi zuen neteg̵ana zutun he heenem he umuy he vatu. Egketeg̵uan is kada sevaha zutun te menge nenggatus he litru he wahig.

Gelasya 1:14

Is menge zuma ku he menge Hudiyu he serenganè ku te penuig̵en, wazà nekerepeng kedì te kebenteyani ku te menge tuluuwen dey te menge Hudiyu. Ne wazà kandan kedì nekerepeng te kebenteyani te imbilinbilin he menge vetasan te g̵inepuan dey.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

1 Pedro 1:18

Netuenan ta he utew mahal is imbelukas din kenita. Su nengeuripen ki zengan te menge ulaula he wazà pulus he imbilinbilin kenita te menge kepuun ta. Sikan is imbelukas din kenita, ne kenà iring te selapì wey vulawan he egkeawà is bali zin.