Marcos 7:20 - Manobo Western Bukidnon

^20-22 Ne migkag̵i si Jesus med-uman te, “Is egkehimu he igkeepesi te Megbevayà te etew ne iyan is egawas he ebpuun diyà te g̵ehinawa zin. Su ziyà te g̵ehinawa zin ebpuun is memezaat he isip, is kedhilavet te kenè din esawa, kebpenakew, kebpemumunù, kegkesina, kebpesipala, kebpenlimbung, is memahawag he ulaula, kegkeima, kedèdeeti te zengeg te menge zuma zin, kebpelavew zin wey is kedlalunglalung.

Marcos 7:20 Кръстосани препратки

Mateo 15:18

Iyan, is menge mezaat he lalag he ziyà egawas te vèbà te etew, diyà ebpuun te g̵ehinawa zin, ne iyan heini utew igkeepesi kandin te Megbevayà.

Mateo 4:4

Ne midtavak si Jesus te, “Duen insurat he Lalag te Megbevayà he edhenduen te, ‘Kenà iyan dà igkeuyag te menusiyà is egkeenen, kekenà, elin daan egkinehenglanen din is minsan hengkey he lalag he egkeg̵iyen te Megbevayà.’ ”

Marcos 7:15

is egkehimu he igkeepesi te Megbevayà te etew, kenà iyan is keuyag̵an he ebpekeseled diyà te vèbè din, minsan ke wazà sikandin mebpenlùlù, kekenà, iyan is menge lalag he egawas puun diyà te vèbè din.

Marcos 7:23

Heini is memezaat he ulaula, diyà ebpuun te g̵ehinawa te etew ne iyan igkeepesi kandin te Megbevayà.”

Hibriyuhanen 7:6

Iyan, si Milkisidik, kenà mulà sikandin kevuwazan ni Levi ne minsan pa zutun midawat din is ikesepulù he imbeg̵ey kandin ni Abraham ne zutun, si Abraham, is mibpenaazan te Megbevayà, mibpenubtuvazan ni Milkisidik.

Santiago 3:6

Ne iring daan te hapuy is dilà te etew su ebpekezezaat ne iyan puunà te minsan hengkey he mezaat he ulaula. Pinaag̵i te zilà egkeeneb te mezaat is tivuuk he isip ta wey g̵ehinawa ta. Iyan ebpekerasey kenita te tivuuk he untung ta; iring te hapuy he ziyà ebpuun te Impirnu.

Santiago 4:1

Hengkey is puunà te menge kesevaan wey tebek diyan te keniyu? Iyan is menge mezaat he kebayè niw he ebpekigkuntada te meupiya he ulaula.