Marcos 7:17 - Manobo Western Bukidnon

¹⁷ Ne hein mid-awà si Jesus dutun te menge etew ne midseled diyà te valey, ne mid-insaan sikandin te menge sumusundan din ke hengkey is kehulug̵an duen te migkag̵i zin.

Marcos 7:17 Кръстосани препратки

Mateo 13:10

Ne mid-uvayan si Jesus te menge sumusundan din, ke sikandan te, “Hengkey is ketezengan ke maan is migamit ka te menge sempità dutun te kebpenurù nu te menge etew?”

Mateo 13:36

Ne zutun mid-ewaan ni Jesus haazà is mezakel he menge etew ne midseled sikandin diyà te valey. Ne is menge sumusundan din, midtelukun dan kandin, ne ke sikandan te, “Luwasa nu kenami ke hengkey is kehulug̵an te menge mezaat he pinemula ziyà te kamet he zuen te sempitè nu.”

Mateo 15:15

Ne zutun migkag̵i si Pedro te, “Luwasa nu kenami sikan is kehulug̵an te sempitè nu g̵eina.”

Marcos 2:1

Ne nepipira pa zutun he menge andew, midlikù si Jesus diyà te inged he Kepirnaum. Ne nezineg te menge etew he ziyà si Jesus te valey zin.

Marcos 3:20

Ne zutun ensi Jesus, wazè dan en timpu minsan te kegkaan su utew mezakel is menge etew he nengeamur-amur ziyà te kandin.

Marcos 4:10

Ne hein wazè en utew etew zutun su iyan dan dà is menge sepulù wey zezuwa he sumusundan ni Jesus wey is kenà utew mezakel he menge etew, mid-insaan dan si Jesus ke hengkey is ibpesavut din dutun te menge sempità.

Marcos 4:34

Pudu menge sempità is impezineg ni Jesus diyà te menge etew, iyan, emun iyan dan dà te menge sumusundan din, ne ibpesavut din kandan is kehulug̵an dutun te menge sempità he penurù din.

Marcos 7:16

Is minsan hentei keniyu, sevuta niw heini is menge lalag ku.”

Marcos 7:18

Ne ke si Jesus te, “Iring kew ves te menge zuma he etew su maan is wazè niw g̵eina mesavut he is egkekaan te etew, ne kenà egkehimu he igkeepesi kandin te Megbevayà

Marcos 9:28

Ne hein nekeulì ensi Jesus diyà te valey he midetengan dan ne wazà dutun duma he etew, kekenà, iyan dan dà, ne mid-insaan sikandin te menge sumusundan din te, “Maan is wazè dey meulii sikan is batà he edlelungen te mezaat he mulin-ulin?”