Marcos 7:13 - Manobo Western Bukidnon

¹³ Ne pinaag̵i kayi te nepengevilin niw he menge vetasan, ed-iniyug̵an niw is Lalag te Megbevayà ne kenà ebpulus diyan te keniyu. Ne mezakel pa is menge ulaula niw he iring kayi.”

Marcos 7:13 Кръстосани препратки

Mateo 15:6

Ne zutun,” ke si Jesus, “sumalà is penurù niw, wazè en kinahanglan he ebeg̵ayan din pa te tavang is ginikanan din. Iyan heini paag̵i niw wey niw kenà metuman is Lalag te Megbevayà wey niw iyan metuman haazà is keniyu he penurù.

Marcos 7:12

Ne pinaag̵i zutun kenè niw idtug̵ut he edtevangan dutun te etew is amey zin wey iney zin.

Marcos 7:14

Ne impeuman ipeuvey ni Jesus is menge etew ziyà te kandin ne ke sikandin te, “Langun te sikiyu, pemineg̵a niw heini is menge lalag ku ne sevuta niw he

Marcos 7:3

Su is menge Hudiyu, lavew en is menge Perisiyu, kenè dan egkaan ke kenè dan egkelùluan is menge velad dan su iyan haazà betasan he imbilinbilin te menge g̵in-epuan dan dengan.

Marcos 7:5

Ne tenged kayi haazà is menge Perisiyu wey menge menunudlù te kesug̵uan, mid-insaan dan si Jesus te, “Maan is midlipatan en te menge sumusundan nu is imbilinbilin he tuluuwen te g̵in-epuan tew su maan is tekew zan en egkaan ne kenè dan ebpenlùlù?”

Marcos 7:9

Ne mid-uman megkag̵i si Jesus te, “Utew kew metau te paag̵i te ked-engkezi niw te insug̵ù te Megbevayà wey niw mepurungi te edtuman is kesug̵uan he mibeelan te etew.

Gelasya 1:14

Is menge zuma ku he menge Hudiyu he serenganè ku te penuig̵en, wazà nekerepeng kedì te kebenteyani ku te menge tuluuwen dey te menge Hudiyu. Ne wazà kandan kedì nekerepeng te kebenteyani te imbilinbilin he menge vetasan te g̵inepuan dey.

Gelasya 5:21

Egkeimahan dan is menge azen te menge zuma zan. Egkengelangut dan, ne kenè dan ed-eg̵enen is menge kebayè dan he mezaat, kekenà, edtumanen dan, wey mezakel pa is ed-ul-ulahan dan he iring kayi. Ed-umanan ku te egkag̵i is migkag̵i ku he zaan he is etew he ed-ul-ulahan din is menge iring kayi, kenà sikandin ebpekeragkes te egkehedian te Megbevayà keuzemà.

Tito 1:14

ne wey zan meengkezi is kedtuu zan te menge tetezemen te menge Hudiyu wey te menge kelibutanen dà he sug̵ù he mibeelan te menge etew he edsumpalit te tutuu he tuluuwen.