Marcos 6:9 - Manobo Western Bukidnon

⁹ Idtug̵ut kandan is kedsesepatus, iyan, kenè dan med-uwit te ed-ilisan dan he ugelingen.

Marcos 6:9 Кръстосани препратки

Mateo 10:10

Kenè kew zaan med-uwit te sundang. Is ed-ilisan he sepatus wey kumbalà wey minsan tuked, ne kenè kew med-uwit. Su is sulug̵uen, ibeg̵ey ziyà te kandin is kinahanglan din.

Mateo 3:11

Wahig is ibewtismu ku keniyu,” ke si Juan, “he tuus te mid-iniyug̵an niw is mezaat he ulaula, iyan, duen etew he ed-ilis kediey ne iyan ibewtismu zin keniyu is Wag̵as he Mulin-ulin, ne emun kenà, ne hapuy. Lavew sikandin kedì, ne minsan is ked-uwit dà te sepatus din, kenè e pa zait he sulug̵uen din.

Marcos 6:10

Ne ke si Jesus diyà te kandan te, “Emun ebpekeuma kew ziyà te sengeinged kinahanglan he is egkepemenehikan niw he valey ne zutun kew zà uliulì taman te ked-awè niw zutun.

Marcos 6:8

Ne midteleenan din sikandan he ke edhipanew zan, iyan dan dà uwita is tuked dan ne kenè dan med-uwit te keenen, kemuyut, wey minsan selapì.

Nengeulaula 12:8

Ne migkeg̵iyan sikandin te velinsug̵uen te, “Bevakes ka wey sesepatus ka.” Ne mibpemineg si Pedro. Ne migkag̵i en maan haazà is belinsug̵uen te, “Samput ka ne zuma ka kedì.”

Ipisu 6:15

Andam kew layun te kebpenudtul te Meupiya he Tudtulanen mehitenged te kelinew he ibeg̵ey te Megbevayà, ne iyan heini sepatus niw.