Marcos 6:6 - Manobo Western Bukidnon

⁶ Ne utew neinuinu si Jesus su wazà medtuu kandin is menge etew zutun he inged. Ne zutun midtukid ni Jesus te ebpenurù is menge siringan he inged dutun.

Marcos 6:6 Кръстосани препратки

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Mateo 9:35

Ne neeneb ni Jesus is langun he menge inged dutun wey menge unayan. Mibpenurù din is menge etew zutun diyà te seled te menge simbahan dan wey impesavut din diyà te kandan is Meupiya he Tudtulanen te keag̵i te kedhadì te Megbevayà. Nengeulian din is menge etew te minsan hengkey he zaru wey ebpenggezamen dan.

Marcos 1:39

Ne mid-eneb eni Jesus is langun he menge inged diyà te prubinsya he Geliliya ne midwali sikandin diyà te menge simbahan te menge Hudiyu zutun. Ne impemaawè din is menge mezaat he mulin-ulin puun dutun te edlelungen dan.

Marcos 10:1

Ne mid-awà si Jesus dutun te inged he Kepirnaum ne midhendiyà te prubinsya he Hudiya. Ne zutun midrapas sikandin te wahig he Hurdan. Ne utew en maan mezakel is menge etew he nengeamur-amur ziyà te kandin. Ne g̵eina te iyan layun ed-ul-ulahan din is kebpenurù, ne mibpenurù din daan haazà is menge etew.

Lucas 13:22

Midhipanew si Jesus pehendiyà te inged he Hiruselim ne zutun te kedhipanew zin ne mibpenuluytuluy ziyà te zuma pa he menge inged su ebpenurù te menge etew.

Lucas 4:31

Ne midlaus si Jesus pehendiyà te Kepirnaum he inged he sakup te Geliliya. Ne zutun te Andew te Kedhimeley mibpenurù din is menge etew ziyà te simbahan.

Lucas 4:44

Ne zutun midlaus si Jesus ne midweliyan din is menge etew zutun te menge simbahan te menge Hudiyu ziyà te prubinsya he Hudiya.

Juan 9:30

Ne midtavak maan haazà is etew te, “Utew ku heini igkeinuinu! Duen gehem ni Jesus ne mibewian din is menge mata ku, ne minsan pa zutun wazè niw ves metueni ke hendei sikandin ebpuun!

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.