Marcos 6:56 - Manobo Western Bukidnon

⁵⁶ Ne minsan hendei sikandin ebpevayà, ke ziyè be te menge inged wey menge unayan be, ne zutun gihapun egkeuma zin is egkengezeruwan he ed-uwiten diyà te kandin. Idsavuk dan is egkengezeruwan diyà te lugar he ebelegyaan ne edhengyuan dan si Jesus he minsan bà dà mekeg̵awed haazà is egkengezeruwan te minsan sidsid dà te kumbalè din. Ne minsan hentei he nekeg̵awed te kumbalà ni Jesus dutun, ne neulian.

Marcos 6:56 Кръстосани препратки

Mateo 14:36

Ne midhangyù dan ki Jesus he itug̵ut din he mekeg̵awed dan te minsan sidsid dà te kumbalè din ne nengeulian is langun he nekeg̵awed dutun.

Mateo 9:20

Ne hein diyè dan en te zalan duen mid-uvey he sevaha he vahi ziyà te iniyug̵an ni Jesus. Ne haazà is bahi, duen din daru. Sepulù en wey zezuwa he tuig is kegkevusbusi kandin ne kenà ed-engked. Ne egkeisip din he emun egkekevit din is minsan kumbalè dà ni Jesus, egkeulian en sikandin. Ne zutun nekevit din is sidsid te kumbalà ni Jesus.

Marcos 3:10

Mezakel is nengeulian din en he egkengezeruwan ne tenged kayi, is egkengezeruwan dutun, ebpenlietliet dan en is edteg̵el ed-uvey diyà te ki Jesus wey zan mekezampà kandin su wey zan meulii.

Marcos 6:55

Ne migègeenan dan ipemetukew is egkengezeruwan diyà te menge siringan he inged. Ne minsan hendei zan egkezineg he zutun si Jesus, ne ebintingen dan is duen din daru su ed-uwiten dan diyà te kandin.

Lucas 22:51

Ne zutun migkag̵i si Jesus diyà te menge sumusundan din te, “Ereg kew!” Ne zutun inlikù ni Jesus haazà is telinga zutun te nelepungan ne henduen te wazà pig̵eyanan gihapun te telinga zin.

Lucas 6:19

Ne mezakel zutun te menge etew is egkesuat he egawed diyà te ki Jesus, su zuen gehem he ebpuun diyà te kandin ne pinaag̵i zutun egkengeulian is langun te sikandan.

Lucas 8:44

Ne mibpenlietliet medhendiyà te egkeiniyug̵an ni Jesus ne midsengkawad din kevita is sidsid te kumbalà ni Jesus. Ne zutundutun ne mid-engked is kegkevusbusi kandin.

Nengeulaula 4:12

Iyan dà si Jesus ebpekelibri te silut kenitew,” ke si Pedro, “su zini te tivuuk he kelibutan wazè en duma pa he ngazan he etew he ebpemeleveg he imbeg̵ey te Megbevayà.”

Nengeulaula 4:9

emun iyan niw id-insà kenami ke mibmenumenu zey is meupiya he midhimu zey kayi te kenà ebpekehipanew, ne emun iyan niw zaan id-insà ke hengkey he g̵ehem is ingkeulii kandin,

Nengeulaula 5:15

Ne tenged te menge egkein-inuwan he nehimu te menge epustul, mid-uwit te menge etew is menge egkengezeruwan ne impenavuk dan diyà te kilid te menge kersada he impemehizeg̵à diyà te menge ikam wey hizeg̵aan dan su wey melembungi sikandan te alung ni Pedro ke edsag̵ad.