Marcos 6:51 - Manobo Western Bukidnon

⁵¹ Ne midruran sikandin dutun te avang dan ne mid-engked haazà is keramag. Ne utew zan si Jesus ingkeinuinu.

Marcos 6:51 Кръстосани препратки

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Marcos 1:27

Ne utew nengeinuinu is langun he menge etew zutun, ne tenged dutun mibpelelelag̵è dan te, “Hengkey vuwa heini? Kela ke veg̵u en heini he tuluuwen su maan is utew sikandin mekeg̵eg̵ehem te kebayàbayà te minsan menge mezaat he mulin-ulin, ne ebpemineg kandin.”

Marcos 2:12

Ne zutun, haazà is etew, mid-enew sikandin ne migkuwa zin haazà is duyanè din ne midlawang puun dutun te valey ne naahà haazà te langun he menge etew zutun. Ne is menge etew, hein neehè dan haazà ne utew zan nengeinuinu ne midalig dan is Megbevayà. Ne ke sikandan te, “Wazè tew pa keenu maahà is iring kayi!”

Marcos 4:39

Ne zutun nepukew si Jesus ne mid-enew ne migkeg̵iyan din haazà is keramag wey vag̵el he med-engked dan. Ne mid-engked haazà is keramag ne mibmelinew utew haazà is wahig.

Marcos 4:41

Ne zutun, utew nengeherati haazà is menge sumusundan din ne mibpein-inseey sikandan he egkag̵i is kada sevaha kandan te, “Hengkey heini vuwa he etew? Maan is minsan is keramag wey menge vag̵el ne ebpemineg kandin!”

Marcos 5:42

Ne mid-enew haazà is batà ne segugunà midhiphipanew. Menge sepulù en wey zezuwa is penuig̵en dutun te vatà. Utew nengeinuinu is iney wey amey zutun te vatà.

Marcos 6:32

Ne zutun mid-untud dan te avang su edhendiyè dan te tanà he wazà duen menge etew.

Marcos 7:37

Utew zan haazà ingkeinuinu ne ke sikandan te, “Utew meupiya is kebeeli zin kayi te langun su edhimuwen din minsan is kenà ebpekezineg he mekezineg ne sikan is kenà ebpekekag̵i ne ebpekekag̵i!”

Juan 6:21

Ne zutun nelipey zan ne impeuntud dan sikandin. Ne zutundutun te kebpeuntuza zan ki Jesus, nekezunggù dan dutun te inged he ebeyaan dan.