Marcos 6:45 - Manobo Western Bukidnon

⁴⁵ Ne impemeuntud ni Jesus te avang is menge sumusundan din wey zan mekehuna mekelayun pehendiyà te zehipag dutun te ranew pehendiyà te inged he Bitsayda su ibpemeulì din pa haazà is mezakel he menge etew.

Marcos 6:45 Кръстосани препратки

Mateo 11:21

Ne ke sikandin te, “Mekehizuhizu kew is menge tigKurasin! Mekehizuhizu kew zaan is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku heini ziyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan is ulu zan he tuus te ed-iniyug̵an dan en is memezaat he ulaula.

Marcos 6:32

Ne zutun mid-untud dan te avang su edhendiyè dan te tanà he wazà duen menge etew.

Marcos 8:22

Ne nekeuma zan diyà te inged he Bitsayda ne zuen menge etew zutun he mid-uwit dan diyà te ki Jesus is sevaha he lakap. Ne midhengyuan dan si Jesus he zempaa zin haazà wey meulii.

Lucas 10:13

Ne mid-uman megkag̵i si Jesus te, “Mekehizuhizu kew keuzemà is menge tigKurasin! Mekehizuhizu kew zaan keuzemà is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku haazà diyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan en is ulu zan he tuus te ed-iniyug̵an dan is memezaat he ulaula.