Marcos 6:31 - Manobo Western Bukidnon

³¹ Ne migkeg̵iyan ni Jesus sikandan te, “Edhendiyè kiw zè pa te tanà he wazà duen etew su wey kiw mekehimeley,” ke sikandin. Umba migkag̵i ni Jesus heini su mezakel utew he menge etew is ebpemekedtetelevukè dà diyà te kandin. Ne wazà timpu zan minsan te kegkaan.

Marcos 6:31 Кръстосани препратки

Mateo 14:13

Ne hein netuenan eni Jesus is nehitavù ki Juan, mid-untud dan te avang ne mid-awè dan dutun te iyan dan dà su edhendiyè dan te wazà duen etew. Iyan, hein netuenan te mezakel he menge etew, ne mid-awè dan diyà te menge inged dan is ebpemeyvey he edtelukun ki Jesus.

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Marcos 3:20

Ne zutun ensi Jesus, wazè dan en timpu minsan te kegkaan su utew mezakel is menge etew he nengeamur-amur ziyà te kandin.

Marcos 3:7

Ne zutun mid-awà si Jesus wey is menge sumusundan din ne midhendiyè dan te veyvey te ranew. Ne nemenduma ki Jesus is utew mezakel he menge etew he ebpuun diyà te prubinsya he Geliliya. Ne is duma kandan, diyà ebpemuun te prubinsya he Hudiya,

Juan 6:1

Ne neipus heini mid-awà si Jesus dutun ne midhendiyà te tanà he ziyà layun te ranew he Geliliya, he migngezanan daan te Tibiryu.