Marcos 6:30 - Manobo Western Bukidnon

³⁰ Ne is menge epustul ni Jesus, nekelikù dan diyà te kandin, ne midtudtul zan diyà te kandin is langun he mid-ulaula zan wey impemenurù dan.

Marcos 6:30 Кръстосани препратки

Mateo 10:2

Iyan heini menge ngazan te sepulù wey zezuwa he sumusundan he migeraran ni Jesus he epustul, he ke và dà egkeg̵iya, menge sug̵ù din: iyan lavew kandan si Simon he migeraran ni Jesus ki Pedro; ne zutun daan si Andres he hazi ni Pedro wey is menge anak ni Sibidiyu he si Santiago wey si Juan is hazi ni Santiago.

Marcos 3:14

Ne intezù ni Jesus dutun is sepulù wey zezuwa he medumazuma kandin wey zin ikepehipanew sikandan te kebpesavut te Meupiya he Tudtulanen.

Marcos 6:29

Ne hein netuenan heini te menge sumusundan ni Juan, midhendutun dan te pirisuwan. Ne migkuwa zan is lawa ni Juan ne inleveng dan.

Lucas 10:17

Ne nepipira pa he andew zutun hein nemekeulì sikan is kepituwan he midsug̵ù, utew zan nengelipey su ke sikandan diyà te ki Jesus te, “Minsan is menge mezaat he mulin-ulin ne ebpemineg̵en key zan ke ibpaawè dey sikandan pinaag̵i te g̵ehem te ngazan nu!”

Lucas 17:5

Ne migkag̵i haazà is menge epustul diyà te ki Jesus te, “Heg̵eta nu is kedtuu zey.”

Lucas 22:14

Ne hein iyan en uras te kedlavung ne mibpinuu si Jesus wey is menge epustul zin is ebpemengaan.

Lucas 24:10

Haazà is menge vahi, ne iyan si Maria Megdelina, si Juana, wey elin daan si Maria he iney ni Santiago, ne zuen pa menge zuma zan he vahi. Iyan sikandan mibpenudtul ziyà te menge epustul te nengehitavù kandan.

Lucas 6:13

Ne hein nepawà dutun ne miburun din is menge sumusundan din ne mibpilì din dutun is sepulù wey zezuwa ne migeraran din haazà he menge epustul.

Lucas 9:10

Ne mid-ulì sikan is sepulù wey zezuwa he epustul ni Jesus ne midtudtul zan kandin is langun he mid-ulaula zan. Ne zutun miduma zin sikandan he iyan dan dà pehendiyà te inged he Bitsayda.

Nengeulaula 1:26

Ne hein nepasad dan te ed-ampù midripa zan haazà is dezuwa ne iyan neripahan si Matias, ne nehimu sikandin he sevaha te menge epustul iring dutun te sepulù wey sevaha.