Marcos 6:24 - Manobo Western Bukidnon

²⁴ Ne zutun miguwà haazà is rag̵a ne midhendiyà te iney zin ne mid-insà ke hengkey is meupiya he ebuyuen din. Ne midtavak haazà is iney zin te, “Iyan nu vuyua is ulu ni Juan Megbebewtismu.”

Marcos 6:24 Кръстосани препратки

Mateo 14:8

Ne zutun tenged te impenurù te iney zin, migkeg̵iyan din si Hirudis te, “Iveg̵ey nu kedì kayi, g̵untaan dà, is ulu ni Juan Megbebewtismu he id-ahuk diyà te pinggan.”

Mateo 3:1

Mibpenlavey is menge tuig dutun ne zuen etew he egngezanan ki Juan Megbebewtismu. Diyà sikandin te tanà he wazà duen ed-ubpà he etew seled te prubinsya he Hudiya. Ne impesavut din te menge etew is Lalag te Megbevayà.

Marcos 6:23

Ne utew mezesen is pesarig ni Hadì Hirudis dutun te midsayew su ke sikandin te, “Minsan hengkey is ebuyuen nu kedì, minsan ke liwazè pa kayi te ginhedian ku ne ibeg̵ey ku.”

Marcos 6:25

Ne zutun migaanggaan en maan medseled haazà is rag̵a ne migkeg̵iyan din si Hadì Hirudis te, “Iyan ebuyuen ku g̵untaan dà is iveg̵ey nu kediey is ulu ni Juan Megbebewtismu he id-ahuk diyà te pinggan.”