Marcos 6:20 - Manobo Western Bukidnon

²⁰ Ne si Hadì Hirudis, egkehandek sikandin ki Juan su netuenan din he metazeng he etew si Juan he ed-ulinan te Megbevayà. Umba wazè din itug̵ut he mehimetayi. Egkesuatan ni Hirudis te ebpemineg is kebpenurù ni Juan, iyan, ingkeliveg din haazà is penurù.

Marcos 6:20 Кръстосани препратки

Mateo 21:26

Ne emun egkeg̵iyen ta he etew zà, ebpemiligru ki te menge etew su midtuu zan he ebpeneuven si Juan te Megbevayà.”

Marcos 11:18

Ne nezineg haazà te menge punuan he memumuhat wey menge menunudlù te kesug̵uan is mibeelan ni Jesus. Nengehandek dan ki Jesus su utew nengesuat is mezakel he menge etew te kebpenurù din. Ne tenged kayi ebpen-ahaan te menge punuan is paag̵i he metug̵uti sikandan he igkepehimetayan dan si Jesus.

Marcos 4:16

Ne sikan is benì he ziyà meketanà te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg, ne edtuuwan dan.

Juan 5:35

Su si Juan, iring sikandin te sulù he merayag is sig̵a zin, ne meg̵aan dà utew is kelipey niw te kedteyawi zin keniyu, he ke và dà egkeg̵iya, seled te meg̵aan dà utew kew nesuat te penurù din he tutuu.

Nengeulaula 2:12

Ne is langun he menge etew zutun, utew zan nengeinuinu, su wazè dan mesavut haazà is nehitavù. Ne kenà egkerintas is kebpein-inseey zan he egkag̵i te, “Hengkey vuwa heini?”

Nengeulaula 5:24

Ne hein nezineg haazà te kepitan te guwardya ziyà te simbahan wey te menge punuan he memumuhat, neked-iinseey zan ke hendei vuwa is menge epustul.