Marcos 6:2 - Manobo Western Bukidnon

^2-3 Ne zutun te andew he Sebadu he iyan mahal he Andew te Kedhimeley, mibpenurù ni Jesus is menge etew ziyà te seled te simbahan te menge Hudiyu. Mezakel he menge etew is nengetig̵um dutun, ne utew zan nengeinuinu is ebpememineg ki Jesus. Ke sikandan te, “Iyan sikandin sikan is pandey. Is iney zin, ne si Maria ne menge suled din ensi Santiago, si Jose, si Hudas, wey si Simon. Is menge etevey zin, ne kayi zà daan te inged tew. Maan is metau sikandin? Hendei zin buwa mekuwa is ketau zin? Maan is ebpekehimu sikandin te menge egkein-inuwan?” Ne zutun, wazè dan dewata is ibpenurù ni Jesus.

Marcos 6:2 Кръстосани препратки

Mateo 4:23

Ne neeneb ni Jesus is tivuuk he prubinsya he Geliliya te ebpenurù te menge etew ziyà te menge simbahan dan. Impesavut din te menge etew is Meupiya he Tudtulanen te keag̵i te kedhadì te Megbevayà ne nengeulian din is egkengesekitan te migkelingulingu he varang te zaru.

Mateo 7:28

Ne nekepasad si Jesus te ebpenurù dutun. Ne neinuinu is mezakel he nengetig̵um dutun

Marcos 1:39

Ne mid-eneb eni Jesus is langun he menge inged diyà te prubinsya he Geliliya ne midwali sikandin diyà te menge simbahan te menge Hudiyu zutun. Ne impemaawè din is menge mezaat he mulin-ulin puun dutun te edlelungen dan.

Marcos 10:1

Ne mid-awà si Jesus dutun te inged he Kepirnaum ne midhendiyà te prubinsya he Hudiya. Ne zutun midrapas sikandin te wahig he Hurdan. Ne utew en maan mezakel is menge etew he nengeamur-amur ziyà te kandin. Ne g̵eina te iyan layun ed-ul-ulahan din is kebpenurù, ne mibpenurù din daan haazà is menge etew.

Lucas 2:47

Ne utew nengeinuinu is langun he nekezineg te menge tavak din te menge insà kandin su utew sikandin metau.

Lucas 4:15

Ne nenurù sikandin diyà te menge simbahan te menge Hudiyu zutun te menge inged ne nemekezalig kandin is langun he menge etew.

Juan 6:42

Ne migkag̵i zan te, “Si Jesus dà duen heini. Anak sikandin ni Jose. Maan is egkeg̵iyen din he ebpuun sikandin diyà te langit he wazà mekeeles kenitew ke hentei is amey zin wey iney zin?”

Juan 7:15

Utew ingkeinuinu sikandin te menge punuan he menge Hudiyu, ne migkag̵i zan te, “Hendei vuwa ebpuun is ketau kayi he etew su kenè man metikang is netunghaan din?”