Marcos 5:9 - Manobo Western Bukidnon

⁹ Ne mid-insaan ni Jesus haazà is etew te, “Hentei is ngazan nu?” Ne midtavak dutun haazà is mezaat he mulin-ulin te, “Iyan ngazan ku si Liblibuwen su utew key mezakel is nemenuuk kayi te etew.”

Marcos 5:9 Кръстосани препратки

Mateo 12:45

Ne zutun edlikù edhipanew su ebpengakat te pitu he zuma zin he menge mezaat he mulin-ulin he tuwas pa he memezaat kenà sikandin. Ne ed-ahuk dan ne ed-ubpè dan dutun te etew. Ne zutun ed-iseg pa ebmezaat is kebpekesavuk dutun te etew kenà te nehuna he kebpekesavuk din. Iring dutun is egkeulaula te menge etew g̵untaan su ed-iseg ebmezaat is kebpekesavuk dan.”

Mateo 26:53

Wazè nu ve metueni he emun ebpetavang a te Amey ku he Megbevayà ne edliblibuwen is ibpehendini zin he velinsug̵uen din?

Marcos 5:10

Ne haazà is mezaat he mulin-ulin, mibpenigudu medhangyù sikandin diyà te ki Jesus he kenè din segseg̵a sikandan diyà te meziyù he tanà.

Marcos 5:15

Ne hein nemekeuma zan, neehè dan kes midsuukan te edliblibuwen he menge mezaat he mulin-ulin. Neehè dan dutun he midsul-ub en te ugelingen ne hustu en is ked-isip-isip din ne tenged dutun utew zan en nengeinuinu.

Lucas 8:30

Ne mid-insaan ni Jesus haazà is etew te, “Hentei is ngazan nu?” Ne midtavak te, “Iyan ngazan ku si Liblibuwen.” Umba nekag̵i zin heini su utew zan mezakel is mezaat he mulin-ulin he nemen-ulin dutun te etew.