Marcos 5:41 - Manobo Western Bukidnon

⁴¹ Ne hein dutun dan en, migewezan ni Jesus is belad dutun te vatà ne ke sikandin te, “Telita kumi,” he ke và dà egkeg̵iya te, “Bayi, enew kad!”

Marcos 5:41 Кръстосани препратки

Marcos 1:31

Ne mibeyaan sikandin ni Jesus ne migewezan din diyà te velad ne impeenew zin. Ne zutundutun ne naawà is dateng din ne midsuba sikandin te ibpekaan din engki Jesus.

Marcos 1:41

Ne nehizuwan sikandin ni Jesus ne midampè din te egkag̵i te, “Utew meupiya te g̵ehinawa ku; meulii ka.”

Marcos 5:40

Ne te kegkezineg̵a zan dutun te migkag̵i ni Jesus ne và dan dà mid-engiti sikandin. Ne zutun impaawà ni Jesus is menge etew zutun te valey. Iyan dà wazè din ipaawà is amey wey iney zutun te vatà wey is tetelu he menge sumusundan din. Ne miduma zin sikandan dutun te mibperey-asan te vatà.

Marcos 5:42

Ne mid-enew haazà is batà ne segugunà midhiphipanew. Menge sepulù en wey zezuwa is penuig̵en dutun te vatà. Utew nengeinuinu is iney wey amey zutun te vatà.

Ruma 4:17

Ne zuen insurat he Lalag te Megbevayà diyà te ki Abraham, ke sikandin te, “Ibpenaad ku kenikew he edhimuwen ku sikew he kepuun te utew mezakel he menge kelasi te menge etew.” Ne zutun mid-isip din si Abraham he kepuun tew te langun he midtuu he iring kandin. Ne is Megbevayà he iyan edtuuwan tew, ne utew sikandin mekeg̵eg̵ehem su iyan ebpekevanhew te menge minatey, ne is minsan hengkey he wazè pa meulaula, netuenan din en he zaan iring te neulaula en.

Pilipus 3:21

Ne zutun te andew, ne edhelinen din en is memeg̵uyà he menge lawa tew ne edhimuwen din he iring te mekeg̵eg̵ehem he lawa zin. Ne kayi te kedhelina zin kenitew, egemiten din is dekelà he g̵ehem din he iyan ingkehimu zin he ebayàbayà te minsan hengkey.