Marcos 5:40 - Manobo Western Bukidnon

⁴⁰ Ne te kegkezineg̵a zan dutun te migkag̵i ni Jesus ne và dan dà mid-engiti sikandin. Ne zutun impaawà ni Jesus is menge etew zutun te valey. Iyan dà wazè din ipaawà is amey wey iney zutun te vatà wey is tetelu he menge sumusundan din. Ne miduma zin sikandan dutun te mibperey-asan te vatà.

Marcos 5:40 Кръстосани препратки

Mateo 15:11

Is igkeepesi te Megbevayà te etew, ne kenà iyan sikan is egkeenen he id-ahuk dutun te etew ziyà te vèbè din, kekenà, iyan sikan is menge mezaat he lalag he egawas he ebpuun te vèbè dutun te etew.”

Mateo 7:6

Ne zutun insempità ni Jesus is menge etew he kenà egkesuat he ebpemineg te Lalag te Megbevayà. Ke sikandin te, “Kenè niw iveg̵ey te asu is butang he mahal ziyà te Megbevayà su kela ke keg̵ata kew zin. Ne kenè niw zaan isawed is menge mahal he ebelieg̵en diyà te etuvangan te menge vavuy su egketekutakan dan dà.

Marcos 5:39

Ne midseled ensi Jesus dutun te valey ne migkeg̵iyan din sikandan te, “Maan is egkengeg̵isaweg kew? Maan is ebpemenineg̵ew kew? Wazà mebpatey heeyan is batà, kekenà, midlipezeng!”

Marcos 5:41

Ne hein dutun dan en, migewezan ni Jesus is belad dutun te vatà ne ke sikandin te, “Telita kumi,” he ke và dà egkeg̵iya te, “Bayi, enew kad!”

Lucas 16:14

Ne zuen dutun menge Perisiyu he iyan dekelà diyà te g̵ehinawa zan is selapì. Ne hein nezineg dan haazà is penurù ni Jesus ne midsumpalit dan sikandin.

Nengeulaula 17:32

Ne hein nezineg dan haazà is kegkevanhew he nekag̵i ni Pablo, is duma zutun midsumpalit dan sikandin. Iyan, duen duma he egkag̵i te, “Likù ka kayi su egkesuat key pa he ebpemineg te kedseysaya nu kayi.”