Marcos 5:23 - Manobo Western Bukidnon

²³ Ne midhengyuan din si Jesus te, “Is anak ku he vahi he edrag̵arag̵e en, ne edluwàluwè en te g̵ehinawa. Edhengyuan ku sikew he hendiyè ka te valey ku wey nu penemsama wey meulii ne meuyag.”

Marcos 5:23 Кръстосани препратки

Mateo 8:3

Ne midampà sikandin ni Jesus te egkag̵i te, “Utew meupiya te g̵ehinawa ku. Meulii ka.” Ne zutundutun nehanewhanew zutun te etew haazà is it-it din.

Marcos 16:18

Ne minsan ke ebpekeg̵awed sikandan te menge uled wey ebpekeinum sikandan te minsan hengkey he edhilu, kenà sikandan egkekeizan. Ne emun edempaan dan is egkengezeruwan, ne egkengeulian.”

Marcos 5:24

Ne midumahan sikandin ni Jesus. Ne zutun te ziyè dan te zalan egkengelipitlipit dan en su mezakel is nemenduma kandin he menge etew.

Marcos 6:13

Ne mezakel is menge mezaat he mulin-ulin he ebpenlalung te menge etew he impemaawè dan ne mezakel zaan is egkengezeruwan he mibpenheplasan dan te lana ne nengeulian.

Marcos 7:32

Ne zuen menge etew he mid-uwit dan diyà te ki Jesus is etew he vengel wey ngulit pa ke egkag̵i. Ne midhangyù dan si Jesus he zempaa zin haazà wey meulii.

Marcos 8:23

Ne mid-ag̵ak ni Jesus haazà is lakap pehendiyà te g̵awas dutun te inged. Ne mid-ilevan ni Jesus is menge mata zutun te lakap ne midampè din, ne mid-insaan din ke zuen be egkeehè din.

Lucas 13:13

Ne midsamsam ni Jesus is peka zutun te vahi ne zutundutun ne neketeng is peka zin. Ne nekezaligdalig haazà is bahi te Megbevayà.

Lucas 4:38

Ne te ked-awà ni Jesus dutun te simbahan, midhendiyà te valey ni Simon. Ne egkezeruwan dutun is enug̵ang he vahi ni Simon ne utew meinit is lawa zin. Ne midhangyù dan ki Jesus he vewii zin haazà is bahi.

Lucas 4:40

Ne hein edsanlep en is andew, is langun he menge etew he zuen duma zan he egkezeruwan, mibpen-uwit dan diyà te ki Jesus haazà is egkengezeruwan. Ne edempaan dà ni Jesus is kada egkezeruwan dutun ne egkeulian en.

Lucas 7:12

Ne hein ebpekeuma zan en dutun te idselang dutun te inged ne nesinug̵ung dan is menge etew he ebpuun dutun te inged he edlanting te minatey su idleveng dan. Maama haazà is minatey he iyan dà anak dutun te meritan he valu. Mezakel is menge etew zutun te inged he miduma zutun te vahi he eduma te edleveng.

Juan 11:3

Ne mibpesug̵uan si Jesus dutun te zezuwa he vahi ne ke sikandan te, “Datù, egkezeruwan si Lazaro, is mahal ziyà te g̵ehinawa nu.”

Nengeulaula 28:8

Nezeruwan is amey ni Publiyu. Edhidhizeg̵à su edetengen wey mesakit is getek din. Ne midseled si Pablo zutun te rug̵u zin ne in-ampù din. Midepenetan din haazà ne neulian.

Nengeulaula 6:6

Ne impeetuvang dan diyà te menge epustul haazà is nengepilì dan ne in-ampù sikandan te menge epustul ne midepenetan sikandan dutun te menge epustul su iyan haazà paag̵i te kebeg̵ayi kandan te keg̵ehem.

Nengeulaula 8:17

Ne midepenetan sikandan ni Pedro wey ni Juan ne puun dutun mid-ulinan sikandan te Wag̵as he Mulin-ulin.

Nengeulaula 9:12

Ne pinaag̵i te g̵ehem ku, neehè ke zin en, Eneniyas, is edseled diyà te kandin he edepenet kandin wey mepuwasi is ked-ehè din.”

Nengeulaula 9:17

Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.”