Marcos 5:15 - Manobo Western Bukidnon

¹⁵ Ne hein nemekeuma zan, neehè dan kes midsuukan te edliblibuwen he menge mezaat he mulin-ulin. Neehè dan dutun he midsul-ub en te ugelingen ne hustu en is ked-isip-isip din ne tenged dutun utew zan en nengeinuinu.

Marcos 5:15 Кръстосани препратки

Mateo 12:29

Nezaag ku en si Setanas umba igkepaawè ku is menge sakup din, su wazà minsan hentei he ebpekeseled te valey te mezesen he etew wey zin maag̵ew is menge azen dutun te mezesen he etew, emun kenè din egkehunà egkevakus haazà is mezesen he etew. Kinahanglan he ebekusen din edhunai, ne human din egkeag̵ew is menge azen dutun te mezesen he etew.

Mateo 26:53

Wazè nu ve metueni he emun ebpetavang a te Amey ku he Megbevayà ne edliblibuwen is ibpehendini zin he velinsug̵uen din?

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 9:33

Ne mibewian heini ni Jesus, ne segugunà dutun nekekag̵i haazà is etew. Ne nengeinuinu is langun he menge etew zutun, ne ke sikandan te, “Sikitew is menge kevuwazan ni Israyil, sikan tew pa maahà is iring kayi!”

Marcos 5:14

Ne zuen menge maama he ebpemen-elima zutun te menge vavuy, ne nemenhendiyè dan te inged is ebpemelelag̵uy wey ziyà te menge uvey zutun he unayan su ibpesavut dan ke hengkey is nehitavù. Ne hein nezineg haazà te menge etew, ne nemenhendiyè dan te ki Jesus su ed-ahaan dan ke hengkey is neulaula.

Marcos 5:16

Ne is menge etew he zutun he zaan, midtudtul zan dutun te menge etew is neulaula zutun te midsuukan te menge mezaat he mulin-ulin wey is neulaula zuen te menge vavuy.

Marcos 5:18

Ne hein ed-untud en si Jesus duen te avang, sikan is etew he neulian te kedsuuki kandin te menge mezaat he mulin-ulin, midhangyù sikandin he eduma ki Jesus.

Marcos 5:4

Su neug̵et en, layun ebekusen is menge velad din wey paa zin, iyan, kada kebekusa kandin dutun, ne edrupeten din is pusas he ibpusas kandin, ne ebpemidtawen din dà is kedina he ibakus kandin. Wazè en ebpekeeg̵en kandin tuus te utew mezesen.

Marcos 5:9

Ne mid-insaan ni Jesus haazà is etew te, “Hentei is ngazan nu?” Ne midtavak dutun haazà is mezaat he mulin-ulin te, “Iyan ngazan ku si Liblibuwen su utew key mezakel is nemenuuk kayi te etew.”

Lucas 10:39

Ne zuen dutun hazi ni Marta he egngezanan ki Maria. Ne mibpinuu si Maria ziyà te uvey ni Jesus su ebpurung ebpemineg te menge penurù ni Jesus.

Lucas 8:27

Ne zutun te kegaun ni Jesus neuma zin is etew he zaan he meg̵inged dutun te inged te menge Geresinen. Ne midsuukan sikandin te menge mezaat he mulin-ulin. Ne haazà is etew, neug̵et en utew he wazè din seseberen. Kenà ed-ubpà diyà te valey, kekenà, diyà ed-ubpà te penlevengà he menge surung. Kenà kepipira zà uwita haazà is maama zutun te ebpemekaid kandin. Ne minsan pa te layun sikandin edhiketan ne ibpenagkes te kedina ne ebentayan pa te menge etew, iyan, melemu zin dà he ebpemidtawen is kedina ne ed-uwiten sikandin dutun te mezaat he mulin-ulin pehendiyà te tanà he wazà ubpai te menge etew. Ne hein neehè din si Jesus, mid-erang ne midlangkeb diyà te etuvangan din is egkag̵i he utew mezag̵ing te, “Sikew, Jesus he Anak te utew lavew he Megbevayà, ebmenuwen a kenikew? Ebpengemuyù a kenikew he kenè e pa kenikew siluti!” Nekag̵i zin heini su migkeg̵iyan ni Jesus haazà is mezaat he mulin-ulin he ibpaawà diyà te kandin.

Kulusas 1:13

Midtevangan kiw te Amey tew he Megbevayà ne tenged kayi wazè kiw en maan meveyveyai te kerusireman, he ke và dà egkeg̵iya, si Setanas. Ne g̵untaan iyan en ebayàbayà kenitew is Anak te Megbevayà he si Jesus he utew mahal ziyà te g̵ehinawa te Megbevayà.

2 Timoteo 1:7

Su is Mulin-ulin he impeulin kenita te Megbevayà, kenè ta igketalew, kekenà, edlig-enan ki zin wey ebeg̵ayan ki zin te zesen su wey mehimu he ebmahalen ta is menge zuma ta wey edtengkaan ta is langun he ed-ul-ulahan ta.