Marcos 4:41 - Manobo Western Bukidnon

⁴¹ Ne zutun, utew nengeherati haazà is menge sumusundan din ne mibpein-inseey sikandan he egkag̵i is kada sevaha kandan te, “Hengkey heini vuwa he etew? Maan is minsan is keramag wey menge vag̵el ne ebpemineg kandin!”

Marcos 4:41 Кръстосани препратки

Mateo 14:32

Ne mid-untud dan dutun te avang, ne mid-engked haazà is keramag.

Mateo 8:27

Nengeinuinu is langun he menge zuma zin. “Hengkey he etawa heini?” ke sikandan, “su minsan is keramag wey menge vag̵el ne ebpemineg kandin!”

Marcos 4:40

Ne migkeg̵iyan din is menge sumusundan din te, “Maan is egkengehandek kew? Wazè niw pe be kedsarig kedi?”

Marcos 5:1

Ne nekezunggù ensi Jesus diyà layun dutun te ranew, ne iyan haazà is nezungguan dan tanà te menge etew he Geresinen.

Marcos 5:33

Ne haazà is bahi, utew nahandek su netuenan din en ke hengkey is nehitavù diyà te kandin dutun te kegewezi zin te kumbalà ni Jesus. Ne mid-uvayan din si Jesus te egkerkeren ne midluhud diyà te etuvangan din ne midseysey zin is langun mehitenged dutun te zaru zin.

Marcos 7:37

Utew zan haazà ingkeinuinu ne ke sikandan te, “Utew meupiya is kebeeli zin kayi te langun su edhimuwen din minsan is kenà ebpekezineg he mekezineg ne sikan is kenà ebpekekag̵i ne ebpekekag̵i!”

Lucas 4:36

Ne utew nengeinuinu is langun he menge etew zutun ne neked-iinseey zan is egkag̵i te, “Hendei ebpuun heini is gehem ni Jesus te kebayàbayà? Su utew mekeg̵eg̵ehem is kedsug̵ua zin te menge mezaat he mulin-ulin he med-awè dan ne ebpemineg dan kandin!”

Lucas 8:25

Ne migkag̵i dutun si Jesus diyà te menge sumusundan din te, “Maan is wazè niw kedsarig kediey?” Ne utew zan nengeinuinu wey nengehandek. Ne zutun neked-iinseey sikandan te, “Hentei heini vuwa he etew? Maan is minsan keramag wey vag̵el ne ebpemineg te lalag din?”

Hibriyuhanen 12:28

Umba, kinahanglan he zekelà is kebpeselemati tew kandin su iyan kiw menge sakup te g̵inhedian din he kenà egkehanew te wazè din pidtemanan. Kinahanglan he ed-azap kiw kandin te paag̵i he iyan egkesuatan din. Ne edtehuzan tew sikandin duma is kegkehandek;

Impezayag 15:4

Ne edtehuzen ka te langun he menge etew ne ebentug̵en dan is ngazan nu te Nengazen. Su iyan ke zà wag̵as he Megbevayà. Edhendiyà te kenikew is langun he menge etew te minsan hendei he g̵inhedian ne ed-ezapen ke zan su nevantug en is menge vaal nu he memetazeng.”