Marcos 4:4 - Manobo Western Bukidnon

⁴ Ne zutun te kebpemula zin, duen benì he nengeulug diyà te zalan, ne heini migkaan te menge tagbis.

Marcos 4:4 Кръстосани препратки

Mateo 13:19

Ke zuen menge etew he egkezineg dan is lalag mehitenged te kedhadì te Megbevayà, iyan, kenè dan edsevuten, ne iring haazà te venì he ziyà mengeulug te zalan. Edlepew si Setanas ne ed-eg̵awen din haazà is lalag he nezineg dan.

Mateo 13:4

Ne zutun te kebpemula zin duen benì he nengeulug diyà te zalan, ne heini migkaan te menge tagbis.

Marcos 4:15

Ne is benì, ne iyan is Lalag te Megbevayà he zuen nemekezineg duen, iyan, midlepew si Setanas ne midhimu zin he melipati zuen te nekezineg sikan is lalag he nezineg dan.

Marcos 4:3

Ke sikandin te, “Duen etew he midhendiyà te pemuleey zin su ebpemula.

Marcos 4:5

Duen daan benì he nengeulug he nemekeuntud diyà te utew menipis he tanà he nekeapid dutun te menge vatu. Ne haazà, petuluy zà midtuvù su menipis haazà is tanà.

Lucas 8:12

Ne haazà is benì he ziyà mengeulug te zalan, ne iyan is Lalag te Megbevayà he nezineg te menge etew ne zutun ebpekeuma si Setanas ne edhimuwen din he egkelipatan dan haazà is lalag he nezineg dan su wey kenè dan meketuu ne kenà melibri te silut.

Lucas 8:5

“Duen etew he midhendiyà te pemuleey zin su ebpemula. Ne haazà is benì din, duen dutun nengeulug diyà te zalan ne nengeg̵iekan te etew ne migkaan te menge tagbis.