Marcos 4:38 - Manobo Western Bukidnon

³⁸ Ne si Jesus, nekelipezeng diyà te huziyan he zulung dutun te avang he mid-uulunà. Ne migunggel sikandin dutun te menge sumusundan din he ke sikandan te, “Egkelavu kiw en! Kenè nu ve ebeliyen ke egkeg̵erè kiw?”

Marcos 4:38 Кръстосани препратки

Mateo 22:16

Ne midsug̵ù dan diyà te ki Jesus is menge sumusundan dan wey menge sakup te upakat he midtukud ni Hirudis. Ne haazà is midsug̵ù dan, migkag̵i ziyà te ki Jesus te, “Menunudlù, netuenan dey he metazeng ka he etew; su ibpenurù nu is tutuu he ebpeveelan kenitew te Megbevayà, ne is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei.

Mateo 8:25

Ne mid-uvayan sikandin te menge zuma zin su ebpukawen dan. “Tevangi key, Datù,” ke sikandan, “su egkelavu en heini is avang ne egkengeg̵erè kiw en.”

Marcos 4:37

Ne hein diyè dan en te lawed ne midtekewtekew mebpengeramag te utew mevendes ne egkeselikuvungan en te vag̵el haazà is avang ne egketeg̵uan en te wahig.

Marcos 4:39

Ne zutun nepukew si Jesus ne mid-enew ne migkeg̵iyan din haazà is keramag wey vag̵el he med-engked dan. Ne mid-engked haazà is keramag ne mibmelinew utew haazà is wahig.

Lucas 8:24

Ne mid-uvayan dan si Jesus ne mibpukew zan, ke sikandan te, “He Zatù, egkengeg̵erè kiw en!” Ne nepukew zutun si Jesus ne mid-enew ne migkeg̵iyan din haazà is keramag wey haazà is menge zekelà he vag̵el he mebpeeneng-eneng dan, ne zutun ne mibmelinew utew haazà is ranew.

Juan 4:6

Ne zutun daan sikan is kalut he mibeelan dengan ni Hakub, ne si Jesus, geina te utew neveley te kedhipanew zin, mibpinuu zutun te uvey te kalut. Ne zutun neudtu is andew. Wazè din duma su is menge sumusundan din, midhendiyè dan te inged su ebpemasa te egkeenen. Ne zuen nekeuma zutun he vahi he tigSemarya su edsekezu ne migkeg̵iyan sikandin ni Jesus te, “Bayi, ipeinum e kun.”

Hibriyuhanen 2:17

Umba kinahanglan he ebpeetew sikandin su wey mehimu sikandin he iring kenitew te menge suled din te minsan hengkey he paag̵i. Ne mid-ulaula zin heini su wey mehimu sikandin diyà te etuvangan te Megbevayà he iring te lavew he memumuhat tew he utew hihizuwen wey metinumanen su wey zin mepalis is menge salè tew.

Hibriyuhanen 4:15

Ne heini si Jesus is lavew he memumuhat tew, nesavut din is keg̵uyè tew tenged te kememenusiyai tew su neseg̵azan din he mibpenulayan sikandin dengan ni Setanas te minsan hengkey he paag̵i iring te ebpenulayan kiw zaan, iyan, wazà mulà sikandin mepenulayi.

1 Pedro 5:7

Isarig niw ziyà te kandin is minsan hengkey he seeng niw su iyan sikandin ed-elima keniyu.