Marcos 4:26 - Manobo Western Bukidnon

²⁶ Ne impelaus ni Jesus is egkeg̵iyen din, ke sikandin te, “Is kedekelà te edhedian te Megbevayà, ne iring te etew he mid-ezek te venì diyà te pemuleey zin.

Marcos 4:26 Кръстосани препратки

Mateo 13:11

Ne midtavak kandan si Jesus te, “Sikan is in-eles dengan mehitenged te kedhadì te Megbevayà, impesavut en keniyu te menge sumusundan ku, iyan, is duma he menge etew, id-eles heini kandan.

Mateo 13:24

Ne impenurù daan ni Jesus is selakew pa maan he sempità. Ke sikandin te, “Is kedhadì te Megbevayà, ne iring te etew he zuen impemula zin he meupiya he pinemula ziyà te pemuleey zin.

Mateo 13:3

Ne zutun mezakel is impenurù din kandan pinaag̵i te menge sempità. Ke sikandin te, “Duen etew he midhendiyà te pemuleey zin su ebpemula.

Mateo 13:31

Ne impenurù en maan ni Jesus is selakew pa he sempità. “Is ked-iseg kebmahabet te edhedian te Megbevayà,” ke sikandin, “ne iring te pinemula he utew zeisek is lisu.

Mateo 13:33

Ne impenurù ni Jesus kandan is selakew pa maan he sempità. Ke sikandin te, “Is kebmezakel te edhedian te Megbevayà, ne iring daan te tapey. Su ke zuen bahi he ebaal te supas egkuwaan din is tapey ne idsahug din te sengebisin he erina. Ne edtulin haazà is erina,” ke si Jesus.

Mateo 3:2

Ke sikandin te, “Iniyug̵i niw is memezaat he ulaula su meg̵aan en edhadì kenitew is Megbevayà he ziyà te langit.”

Mateo 4:17

Ne puun dutun midweliyan ni Jesus is menge etew. Ke sikandin te, “Iniyug̵i niw is memezaat he ulaula niw, su meg̵aan en edhadì keniyu is Megbevayà he ziyà te langit.”

Marcos 4:25

Su is etew he edewaten din is ibpesavut kandin te Megbevayà, ed-umanan pa te Megbevayà is kedsavut din, iyan, is etew he kenè din edewaten is ibpesavut te Megbevayà, id-awà diyà te kandin is deisek he nesavut din en.”

Marcos 4:27

Wazè din hanew ke egkemenumenu haazà is kedtuvù dutun te pinemula zin, kekenà, ebpeseseg̵azen din dà. Edlipezeng sikandin te mezukilem ne ebaal te maandew ne kada andew edtuvù ne edekelà haazà is menge pinemula zin.

Lucas 13:18

Ne impenurù en maan ni Jesus is selakew en maan he sempità, ke sikandin te, “Hengkey is meupiya he ebpetug-iringan te kebmezakel te menge etew he edhedian te Megbevayà?

Lucas 8:11

Ne ke si Jesus te, “Ibpesavut ku keniyu is kehulug̵an kayi te sempità. Haazà is benì, ne iyan is Lalag te Megbevayà.

Lucas 8:5

“Duen etew he midhendiyà te pemuleey zin su ebpemula. Ne haazà is benì din, duen dutun nengeulug diyà te zalan ne nengeg̵iekan te etew ne migkaan te menge tagbis.

Juan 12:24

Utew venar is egkeg̵iyen ku keniyu he emun kenà idleveng is benì diyà te tanà, kenà egkevuwad. Ne emun igkeleveng en ne edtuvù; ne ebeg̵as te mezakel. Iring din ded daan kedì, su emun ebpatey a ne mezakel is egkeveg̵ayan te veg̵u en he untung.

Santiago 3:18

Iring te venì is kelinew. Ibpemula te menge menhuhusey ne iyan egkerag̵un dutun is metazeng he menge ulaula.