Marcos 4:19 - Manobo Western Bukidnon

¹⁹ iyan, egkelipatan dan tenged te menge seeng dan kayi te kelibutan wey te kegkesuat dan te selapì wey te mezakel pa he menge azen, ne kenà ebpulus diyà te kandan is Lalag te Megbevayà.

Marcos 4:19 Кръстосани препратки

Mateo 13:22

Ne sikan is benì he ziyà mengeulug te tanà he zug̵iyen is menge sagbet dutun, iyan is Lalag te Megbevayà he iyan nemekezineg duen is menge etew he ebpemineg, iyan, egkelipatan dan tenged te menge seeng dan kayi te kelibutan wey tenged te kegkesuat dan te selapì. Ne tenged kayi is Lalag te Megbevayà, kenà ebpulus diyà te kandan.

Mateo 19:23

Ne zutun migkag̵i si Jesus diyà te menge sumusundan din te, “Utew mereg̵en te sepian he etew is kebpesakup din te Megbevayà wey mehedii sikandin.

Mateo 3:10

Is ebpiley te kayu, migkayew en su ebpemilayen din en is minsan hengkey he kayu he kenà meupiya is beg̵as din su wey mevinsuli, he ke và dà egkeg̵iya, is etew he kenà meupiya is ulaula zin, edsilutan sikandin te Megbevayà.

Marcos 4:18

Ne sikan is benì, he ziyà mengeulug te tanà he zug̵iyen is menge sagbet dutun, ne iyan is Lalag te Megbevayà he nezineg te menge etew,

Lucas 10:41

Iyan, migkag̵i si Jesus te, “Marta, utew mezakel is igkesemuki nu he kenà utew ebpulus.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

Juan 15:2

Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Ruma 12:2

Kenè niw iringi is menge ulaula te menge etew he kuntada te Megbevayà, kekenà, itug̵ut niw he helina kew te Megbevayà pinaag̵i te kebeg̵uwa zin te isip niw. Ne zutun egkesavut niw human is egkesuatan te Megbevayà, he ke và dà egkeg̵iya, egkesavut niw ke hengkey is menge ulaula he metazeng he egkesuatan he kenà egkesewayan te Megbevayà.

Ipisu 2:2

Dutun he timpu mid-ikul niw is mezaat he ibayà he iyan ed-ikulen te menge etew he kuntada te Megbevayà. Midtuman kew te menge sug̵ù ni Setanas. Iyan sikandin ebayàbayà te menge zuen din gehem diyà te hewhewanan. Iyan daan sikandin ebayàbayà te langun he kenà ebpemineg te menge sug̵ù te Megbevayà.

Ipisu 6:12

Su kenà iyan edtebeken tew is menge etew zà duen, kekenà, iyan edtebeken tew is menge mezaat he kedesenan he ziyà ed-ubpà te langit wey is menge kenà egkeahà he hadì, wey menge egalen, wey menge ebayàbayà te langun he menge mezaat he etew he nesakup te kerusireman guntaan dini te kelibutan.

Pilipus 4:6

Kenè niw ikeseeng is minsan hengkey he egkeulaula niw, kekenà, emun ed-ampù kew buyua niw ziyà te Megbevayà is egkinehenglanen niw ne emun ebuyù kew, ne kinahanglan he peselemati niw en he zaan.

1 Timoteo 6:17

Is menge tumutuu he mezakel is menge azen dan, keg̵iyi nu he kenè dan mebpelavew wey kenè dan medsarig te menge azen dan su kenè ta egketuenan ke keenu ki egkeewai te menge azen ta. Keg̵iyi nu he iyan dan serig̵i is Megbevayà su iyan sikandin metulanged. Is minsan hengkey he naazen ta, imbeg̵ey zin kenita wey mebmeupiya is kebpekesavuk ta.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

2 Pedro 1:8

Ne emun ed-iseg layun is ked-ul-ulaha niw kayi te langun, kenà egkehimu he kenà utew zekelà is pulus te kedtuuwi niw te Nengazen tew he si Jesu Kristu.

Hudas 1:12

Ebpekezezaat sikandan te zengeg niw ke edtampu zan te keemuran niw su kenè dan mulà egkeeled dutun te kedtumana zan te mezaat he kebayè dan ke ebpekidtug̵en dan keniyu. Iyan dà egkeisip dan is kandan dà he egkesuatan. Wazè dan menge pulus; iring sikandan te menge g̵apun he wazà duen uzan he mibpagwis te keramag. Iring sikandan te menge kayu he kenà ebpemeg̵as minsan pa te iyan en pezem timpu te kebpemeg̵as. Ne umba kenà ebpekepemeg̵as su nepiley en ne neg̵angu.