Marcos 4:15 - Manobo Western Bukidnon

¹⁵ Ne is benì, ne iyan is Lalag te Megbevayà he zuen nemekezineg duen, iyan, midlepew si Setanas ne midhimu zin he melipati zuen te nekezineg sikan is lalag he nezineg dan.

Marcos 4:15 Кръстосани препратки

Mateo 13:19

Ke zuen menge etew he egkezineg dan is lalag mehitenged te kedhadì te Megbevayà, iyan, kenè dan edsevuten, ne iring haazà te venì he ziyà mengeulug te zalan. Edlepew si Setanas ne ed-eg̵awen din haazà is lalag he nezineg dan.

Mateo 22:5

Iyan, henduen be te wazà mekezineg haazà is menge etew. Wazè dan iniyug̵i is menge vaal zan. Is sevaha, ne ziyà te pemuleey zin ne is sevaha, ne ziyà te tindahan din.

Mateo 4:10

Ne mibensag̵an ni Jesus te, “Setanas, ewai a kenikew! Duen insurat he Lalag te Megbevayà he edhenduen te, ‘Iyan niw zà ezapa is Nengazen he Megbevayè niw. Ne is duma pa he ngazan he megbevayà, kenè niw tumana is sug̵ù din.’ ”

Marcos 4:14

Duen te sempitè ku, is kehulug̵an te kebpemula te etew, ne iyan is kedsengyawa te Lalag te Megbevayà.

Marcos 4:16

Ne sikan is benì he ziyà meketanà te menipis he tanà he zivavew te vatu, ne iyan is Lalag te Megbevayà he is nemekezineg duen, ne utew zan egkesuati te ebpemineg, ne edtuuwan dan.

Marcos 4:4

Ne zutun te kebpemula zin, duen benì he nengeulug diyà te zalan, ne heini migkaan te menge tagbis.

Lucas 8:12

Ne haazà is benì he ziyà mengeulug te zalan, ne iyan is Lalag te Megbevayà he nezineg te menge etew ne zutun ebpekeuma si Setanas ne edhimuwen din he egkelipatan dan haazà is lalag he nezineg dan su wey kenè dan meketuu ne kenà melibri te silut.

Nengeulaula 17:32

Ne hein nezineg dan haazà is kegkevanhew he nekag̵i ni Pablo, is duma zutun midsumpalit dan sikandin. Iyan, duen duma he egkag̵i te, “Likù ka kayi su egkesuat key pa he ebpemineg te kedseysaya nu kayi.”

Nengeulaula 5:3

Ne migkeg̵iyan sikandin ni Pedro te, “Eneniyas, maan is ebpevayàbayè ka ki Setanas su edlimbungan niw is Wag̵as he Mulin-ulin su kenè niw id-amin is selapì.

2 Kurintu 2:11

Ne umba ed-ul-ulahan ku heini su wey kenè kiw meekali ni Setanas. Netuenan tew ke hengkey is mezaat he edhimuwen din pezem dini te kenitew.

2 Tiselunika 2:9

Emun ebpeg̵awag̵awa keuzemà sikan is mesinupaken he etew egemiten din is gehem ni Setanas ne ibpeehè din is gehem din pinaag̵i te minsan hengkey he tarù he menge singyal wey egkein-inuwan.

Hibriyuhanen 12:16

Bantey kew su wey wazà minsan sevaha keniyu he meremerik is ulaula zin wey ke ed-iniyug̵an din be is Megbevayà su iring kayi si Esau zengan. Is ketenged din te kegkekakey he anak, inliwè din te keenen he sengepegkaan dà.

Hibriyuhanen 2:1

Ne tenged kayi, kinahanglan he edhemenan tew ebpurungi is tutuu he tuluuwen he impenurù kenitew wey tew kenà melekai su kela ke mekesuwey kiw te tutuu he ibayà.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Impezayag 20:10

Ne zutun, is mid-akal kandan he si Setanas, intimbag sikandin diyà te ranew he egkeregreg te esupri he zutun itimbag sikan is langgam wey kes ebpeneuven ni Setanas ne zutun edresayen sikandan te maandew wey mezukilem te wazà pidtemanan.

Impezayag 20:7

Ne emun egketapus haazà is nengkelibu he tuig ne ibpaawè dè pa si Setanas dutun te pirisuwan din.