Marcos 4:11 - Manobo Western Bukidnon

¹¹ Ne ke si Jesus te, “Sikiyu is menge sumusundan ku, ibpesavut en keniyu te Megbevayà sikan is in-eles dengan mehitenged te kedhadì din, iyan, is menge zuma he menge etew, ibpenurù kandan pinaag̵i te menge sempità.

Marcos 4:11 Кръстосани препратки

Mateo 11:25

Ne zutun mid-ampù si Jesus he egkag̵i te, “Amey ku he Nengazen te langit wey tanà, dekelà is kebpeselemati ku kenikew su is in-eles nu wey kenà mesavut te menge uluwanen wey uvag en memetau, impesavut nu en diyà te menge etew he wazè dan menge hanew.

Mateo 13:16

Ne mid-uman megkag̵i si Jesus te, “Iyan, sikiyu mulà, dekelà utew is kelipey niw su metau kew ed-ahà wey metau kew ebpemineg.

Mateo 16:17

Ne migkag̵i si Jesus te, “Simon, anak ni Juan, midtuvazan ka te Megbevayà su wazè nu metueni heini pinaag̵i te etew, kekenà, impinted kenikew te Amey ku he ziyà te langit.

Marcos 3:23

Ne zutun, migkeg̵iyan ni Jesus haazà is menge etew he med-uvey zan diyà te kandin ne zuen menge sempità he impenurù din kandan. Ke sikandin te, “Kenà egkehimu he ebug̵awen ni Setanas is duma zin he mezaat he mulin-ulin.

Marcos 4:10

Ne hein wazè en utew etew zutun su iyan dan dà is menge sepulù wey zezuwa he sumusundan ni Jesus wey is kenà utew mezakel he menge etew, mid-insaan dan si Jesus ke hengkey is ibpesavut din dutun te menge sempità.

Marcos 4:2

Ne mezakel is impenurù ni Jesus kandan pinaag̵i te menge sempità.

Lucas 8:10

Ne midtavak si Jesus te, “Sikan is in-eles dengan mehitenged te kedhadì te Megbevayà, ibpesavut ku en keniyu te menge sumusundan ku, iyan, is menge zuma he menge etew he kenè dan edsundan kedì, ibpenurù ku kandan pinaag̵i te menge sempità su wey minsan edtengteng dan, kenè dan ebpekeahà ne minsan ebpemineg dan ne kenè dan ebpekesavut.”

1 Kurintu 4:7

Kunaan niw vuwa ke lavew kew te menge zuma he tumutuu ki Kristu. Is dekelà he kedsavut niw, ne kunaan niw vuwa ke zaan heini ziyan te keniyu ne wazà iveg̵ey keniyu te Megbevayà! Su emun netuenan niw he imbeg̵ey zà heini keniyu, maan is idantal niw?

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Ipisu 1:9

Ne impesavut din kenitew is daan he in-eles he edhimuwen din su iyan tuyù wey egkesuatan din. Ne mid-isip din he zaan he pinaag̵i ki Kristu

Kulusas 4:5

Purungi niw, menge suled, te minsan keenu he timpu is ulaula niw ziyà te menge etew he wazè pa medtuu ki Kristu su wey meketuu sikandan te Lalag te Megbevayà.

1 Tiselunika 4:12

Ne emun ebeelan niw heini edtehuzen kew te menge etew he kenè pa tumutuu, ne zutun kenè en daan kinahanglan he ebpekevuyù kew te igkeuyag niw ziyà te minsan hentei.

1 Timoteo 3:7

Kinahanglan he meupiya layun is menge ulaula zin su wey mehimu he telehuzen sikandin te menge etew he kenà tumutuu ki Kristu, su emun kenà, kela ke ituka zan ne egkeseleizan sikandin ni Setanas.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.