Marcos 3:9 - Manobo Western Bukidnon

⁹ Ne migkeg̵iyan ni Jesus is menge sumusundan din he megkuwa zan te avang su wey zin meuntuzi emun egkelipitlipit sikandin te utew mezakel he menge etew.

Marcos 3:9 Кръстосани препратки

Mateo 15:39

Ne zutun impemeulì ni Jesus haazà is menge etew. Ne mid-untud sikandin te avang ne midhendiyà te inged he Megadan.

Marcos 4:1

Ne sevaha he andew zutun diyà te veyvey te ranew mid-uman penurua ni Jesus is menge etew. Ne utew mezakel is menge etew he nengeamur-amur ziyà te kandin, ne tenged kayi mid-untud sikandin diyà te avang he uvey zutun te veyvey ne zutun mebpinuu. Ne is menge etew, diyè dan dà te veyvey is ebpememineg kandin.

Marcos 4:36

Ne zutun mid-ewaan dan is mezakel he menge etew ne is menge sumusundan ni Jesus, mid-untud dan duen te avang he sikan is mibpinuuwan ni Jesus ne migenat dan. Ne zuen daan duma zutun he menge etew he nemen-aavang is eduma kandan.

Marcos 5:2

Ne zutun te kedrenà ni Jesus dutun te avang, midsinug̵ung sikandin te etew he ziyà ebpuun te menge surung he penlevengà. Midsuukan haazà te menge mezaat he mulin-ulin

Marcos 5:30

Ne si Jesus, netuenan din dutun he zuen neulaula te g̵ehem din ne midteren is ebpenlangulangu zutun te mezakel he menge etew is mid-insà te, “Hentei is migawed te kumbalè ku?”

Marcos 6:32

Ne zutun mid-untud dan te avang su edhendiyè dan te tanà he wazà duen menge etew.

Lucas 5:1

Sevaha he andew te ziyà si Jesus te veyvey te ranew he egngezanan te Giniserit, utew mezakel he menge etew is nengetipun su ebpememineg dan te Lalag te Megbevayà he ibpenurù din.

Lucas 5:3

Ne mid-untud si Jesus dutun te sevaha he avang he g̵aked ni Simon ne impehalin din ki Simon haazà is avang te malù ebpekeziyù dutun te veyvey. Ne mibpinuu si Jesus dutun te avang ne mibpenurù din is utew mezakel he menge etew.

Juan 6:15

Ne si Jesus, geina te netuenan din he ebeyaan dan sikandin su edteg̵elen dan sikandin edhimuwa he hadì dan, mid-awà dutun te sebsevaha zin ne midtekezeg diyà te vuvungan.