Marcos 3:6 - Manobo Western Bukidnon

⁶ Ne is menge Perisiyu, nemen-awè dan dutun te simbahan. Ne sikandan wey is menge sakup te upakat he midtukud ni Hadì Hirudis, mibpelelelag̵è dan ke hengkey is paag̵i he mehimu zan he mepatey si Jesus.

Marcos 3:6 Кръстосани препратки

Mateo 12:14

Ne mid-awà dutun is menge Perisiyu ne mibpelelelag̵è dan ke hengkey is paag̵i he mehimu zan he mepatey si Jesus.

Mateo 22:16

Ne midsug̵ù dan diyà te ki Jesus is menge sumusundan dan wey menge sakup te upakat he midtukud ni Hirudis. Ne haazà is midsug̵ù dan, migkag̵i ziyà te ki Jesus te, “Menunudlù, netuenan dey he metazeng ka he etew; su ibpenurù nu is tutuu he ebpeveelan kenitew te Megbevayà, ne is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei.

Marcos 12:13

Ne midsug̵ù dan is duma zutun te menge Perisiyu wey te menge sakup te upakat he midtukud ni Hirudis su wey zan mepulutikahi si Jesus he meveeli zan te sumbung.

Marcos 8:15

Ne zutun duen sempità he impezineg kandan ni Jesus. Ibpesavut din he likayi zan is menge mezaat he vetasan te menge etew. Ke sikandin te, “Andam kew wey niw melikayi is tapey te menge Peresiyu wey is tapey te menge sakup ni Hadì Hirudis.”

Lucas 22:2

Ne zutun, is menge punuan he memumuhat wey is menge menunudlù te kesug̵uan, ebpengahà te paag̵i te kegkehimetayi zan ki Jesus he kenà egketuenan te mezakel he menge etew su egkehandek dan te menge etew.

Lucas 6:11

Ne zutun, ne utew nengepauk haazà is menge Perisiyu wey haazà is menge menunudlù te kesug̵uan ne mibpelelelag̵è dan ke hengkey is ed-ul-ulahan dan ki Jesus.

Juan 11:53

Ne puun dutun he andew, ebpengahaan te menge punuan is paag̵i wey zan mehimetayi si Jesus.

Nengeulaula 4:25

Iyan ka kes nekekag̵i zengan pinaag̵i te kepuun dey he sulug̵uen nu he si Hadì David, su mid-ulinan sikandin te Wag̵as he Mulin-ulin ne nekag̵i zin he, ‘Maan is utew nengepauk is menge etew he kenà menge Hudiyu, wey maan is ebpekeisip sikandan te wazè din pulus?