Marcos 3:5 - Manobo Western Bukidnon

⁵ Ne te ebpenlangulangu si Jesus dutun te mezakel he menge etew, utew zin egkepeuki sikandan ne utew zaan mibmesakit is gehinawa zin su haazà is menge etew, wazè dan kehizu. Ne zutun migkeg̵iyan din haazà is etew he nezeetan is belad din te, “Ketenga nu, Mama, is belad nu.” Ne migketeng dutun te etew haazà is belad din ne segugunà neulii.

Marcos 3:5 Кръстосани препратки

Mateo 12:13

Ne zutun migkeg̵iyan ni Jesus haazà is etew he minatey is menge ug̵at te zivaluy he velad din te, “Ketenga nu, Mama, is belad nu.” Ne migketeng dutun te etew is belad din ne zutundutun neulian haazà he wazà pigeyanan din iring dutun te zivaluy he velad din.

Marcos 3:4

Ne zutun mid-insaan din haazà is menge kuntada zin te, “Hendei zapit is intug̵ut kenitew zuen te kesug̵uan tew he ed-ul-ulahan tew kayi te Andew te Kedhimeley? Iyan be is kedtavang te etew he edlised wey ke ebpesipelahan be is etew? Iyan be is kedtevangi ta te etew su wey kenà mebpatey wey ke edhimetayan te ve is etew?” Ne wazè dan meketavak dutun.

Lucas 13:15

Ne midtavak kandin si Jesus te, “Tarù is menge ulaula niw! Ke zuen baka ne emun kenà ne kudà te minsan hentei keniyu, kenà egkehimu he kenè din edhekazan haazà emun Andew te Kedhimeley, kekenà, edhekazan din ne edtuyuken din pehendiyà te wahig su ibpeinum din.

Lucas 17:14

Ne hein neehè din sikandan ne migkag̵i sikandin te, “Hendiyè kew en te menge memumuhat te Megbevayà wey zan maahà he nengeulian kew.” Ne nemenhipanew zan ne zutun te kegenat dan nengeulian segugunà sikandan.

Lucas 6:10

Ne mibpenlangulangu si Jesus dutun te langun he menge etew ne migkeg̵iyan din haazà is etew he nezeetan is belad din te, “Ketenga nu, Mama, is belad nu.” Ne migketeng dutun te etew is belad din ne segugunà neulii.

Juan 9:7

Ke sikandin te, “Hendiyè ka te linew he egngezanan te Siluwi ne pendapug ka zutun.” (Is kehulug̵an te lalag he Siluwi, iyan is: midsug̵ù.) Ne midhendutun haazà is lakap ne mibpendapug. Ne hein midlikù ebpekeehè en.

Ruma 11:25

Egkesuatan ku, menge suled, he mesavut niw is ed-ul-ulahan te Megbevayà he zengan wazà mesavut te menusiyà. Umba ibpesavut ku heini keniyu su wey kenè niw isipa he iyan kew lavew kenà is menge Hudiyu. Ne minsan pa te intug̵ut te Megbevayà te zuma he menge Hudiyu is kenè dan kedtuu, duen timpu keuzemà he ed-engkezan dan is kenè dan kedtuu te Megbevayà su taman dà heini zutun te timpu he egkeamin ebpeketuu is langun he kenà menge Hudiyu he imbanglis te Megbevayà kandan is kebpeketuu zan.

2 Kurintu 3:14

Su zutun neelangan daan is menge kedsavut dan. Ne wazà daan mahalin heini g̵untaan su kemulu pa neelangan is kedsavut te menge Hudiyu. Ne emun ebasa zan mehitenged te zaan he paag̵i kenè dan egkesavut. Ne emun duen kandan edtuu ki Kristu, id-awà te Megbevayà is ebpekealang te isip din ne human sikandin ebpekesavut.

Ipisu 4:18

Wazè dan hanew te hustu he ibayà ne wazè dan untung he ibeg̵ey te Megbevayà, geina te nengepaglung sikandan tenged te kezesen te g̵ehinawa zan.

Ipisu 4:26

Emun duen igkepauk niw tigkera niw is gehinawa niw su kela ke ibpekesalè niw. Ne kinahanglan he te kenè pa edsanlep is andew iawè niw en is pauk te isip niw.

Ipisu 4:30

Ne kenè niw ul-ulaha is minsan hengkey he kenà egkesuatan te Wag̵as he Mulin-ulin su iyan sikandin tuus diyan te keniyu he g̵aked kew te Megbevayà, wey tuus daan he keuzemà egkeuma is andew he zutun edhimesaza te Megbevayà is langun he nepuunan din en he vaal te kedlibriya zin keniyu te kebpekesalà.

Hibriyuhanen 3:10

Umba, utew a zutun nepauk kandan, ne ke siak te, ‘Layun egkesayep is ed-isipen dan ne kenè dan egkesuat he edtuman te menge sug̵ù ku.’

Hibriyuhanen 3:17

Ne hentei is menge etew he nepeukan dengan te Megbevayà seled te kepatan he tuig? Iyan ded heini is menge zuma te kevuwazan ni Israyil he mibaal te salà diyà te Megbevayà ne tenged kayi midsilutan din sikandan ne minatey sikandan dutun te tanà he wazà meubpai te etew.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

Impezayag 6:16

Ne mibpemengulahì dan diyà te menge vuntud wey menge vatu. Ke sikandan te, “Lilizi key su wey key kenà maahà te ebpimpinuu ziyà te pinuuwà te edhadì he ziyà te langit ne wey key zaan kenà meumahi te pauk te nati he kerehidu.